ମଣିଷ ଏବଂ କୁକୁରମାନଙ୍କ ମଧ୍ୟରେ ସମ୍ପର୍କ ବେଶ୍ ଘନିଷ୍ଠ। ଏପରିକି ମଣିଷମାନେ ନିଜ ପିଲାମାନଙ୍କ ପରି କୁକୁରଙ୍କୁ ବଢ଼ାଇଥାନ୍ତି। ଆଜିର ଯୁଗରେ ଅନେକ ପ୍ରଜାତିର କୁକୁର ଦେଖିବାକୁ ମିଳୁଛି। ଲୋକମାନେ ସେମାନଙ୍କର ଷ୍ଟାଟସ୍ ଅନୁଯାୟୀ କୁକୁର କିଣିଥାନ୍ତି ଏବଂ ରକ୍ଷାଣାବେକ୍ଷଣ କରିଥାନ୍ତି। ଅନେକ କେବଳ ଶୋ’ ପାଇଁ ସବୁଠାରୁ ମହଙ୍ଗା ପ୍ରଜାତିର କୁକୁର କିଣନ୍ତି। ପ୍ରତ୍ୟେକ ପ୍ରଜାତିର ମୂଲ୍ୟ ମଧ୍ୟ ଅଲଗା ଅଟେ। ଏବେ ଏପରି କୁକୁରର ଫଟୋ ସୋସିଆଲ ମିଡିଆରେ ଭାଇରାଲ ହେଉଛି, ଯାହାର ଉଚ୍ଚତା ଏବଂ ଓଜନ ଜାଣିଲେ ଆଶ୍ଚର୍ଯ୍ୟ ହେବେ।
ଅନେକ ଲୋକ ଏହାର ନାମ ରିଅଲ ଲାଇଫ୍ କ୍ଲିଫୋର୍ଡ ରଖିଛନ୍ତି। ଏହାର ଆକାର ଏବଂ ଶରୀରରେ ଲୋମ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା। ଏହି ଆଲାସ୍କାନ କୁକୁରର କେଶ କାଟିବା ପାଇଁ ଗ୍ରୁମ୍କୁ ଆଣିଥିଲେ। ଏହାର ଓଜନ ୭୦ କିଲୋଗ୍ରାମରୁ ଅଧିକ। ଉଚ୍ଚତା ୭୦ ସେଣ୍ଟିମିଟରରୁ ବି ଅଧିକ। ଏହି ସମୟରେ କେଶ କାଟୁଥିବା ବ୍ୟକ୍ତି କୁକୁର ସାମ୍ନାରେ ବହୁତ ଛୋଟ ଦେଖାଯାଉଥିଲେ। କେଶ କାଟିବା ପରେ କୁକୁରଟି ସାମ୍ପୁରେ ଗାଧୋଇଥିଲା। ଏହା ପରେ ତା’ର କେଶ ଆହୁରି ଫୁଲିଲା ପରି ଦେଖାଗଲା।
ସୂଚନାନୁଯାୟୀ, ଏହି କୁକୁରମାନେ ପ୍ରାୟ ୫୦୦ କିଲୋଗ୍ରାମ ପର୍ଯ୍ୟନ୍ତ ବଢ଼ିପାରନ୍ତି। ଯେତେବେଳେ ଲୋକମାନେ ଏହାର ଫଟୋ ଦେଖିଲେ, ସେମାନେ ଏହାକୁ ଏଡିଟ ହୋଇଥିବା କହିଥିଲେ। ବାସ୍ତବରେ ଏହି କୁକୁରଟି ବହୁତ ବଡ଼ ଥିଲା।
କମ୍ବିଂ ନାମକ ଏହି କୁକୁରର ଭିଡିଓ ସୋସିଆଲ ମିଡିଆରେ ଶେୟାର କରାଯାଇଥିଲା। ଏଥିରେ କୁକୁର ଏକ ଟେବୁଲ ଉପରେ ଠିଆ ହୋଇଥିଲା। କେଶ କାଟୁଥିବା ବ୍ୟକ୍ତି କୁକୁର ନିକଟରେ ବହୁତ ଛୋଟ ଦେଖାଯାଉଥିଲେ। ଯାହାକୁ ଦର୍ଶକମାନେ ବିଶ୍ୱାସ କରି ପାରି ନ ଥିଲେ। ଭିଡିଓଟି @Rainmaker1973 ନାମକ ଏକ ଟୁଇଟର ପେଜ୍ରେ ଶେୟାର କରାଯାଇଛି। ଲକ୍ଷାଧିକ ଲୋକ ଦେଖିଥିବା ବେଳେ ହଜାର ହଜାର ଲୋକ ଶେୟାର ଆଉ କମେଣ୍ଟ ବି କରିଛନ୍ତି।