![](https://www.dharitri.com/wp-content/uploads/2024/04/gfgf-29.jpg)
ନୂଆଦିଲ୍ଲୀ,୨୫।୪: ଏକ ରୋମାଞ୍ଚକର ମ୍ୟାଚରେ ଗୁଜରାଟ ଟାଇଟାନ୍ସକୁ ଦିଲ୍ଲୀ କ୍ୟାପିଟାଲ୍ସ ୪ ରନ୍ରେ ପରାସ୍ତ କରିଛି। ମୁକେଶ କୁମାର ଶେଷ ଓଭରରେ ଭଲ ବୋଲିଂ କରିଥିଲେ। ଫଳରେ ଗୁଜରାଟ ଦଳ ଲକ୍ଷ୍ୟ ହାସଲ କରିବାରେ ବିଫଳ ହୋଇଥିଲା। ଶେଷ ଓଭରରେ ୧୯ ରନ ଆବଶ୍ୟକ ଥିଲା। ଏଭଳି ପରିସ୍ଥିତିରେ ରିଷଭ ମୁକେଶ କୁମାରଙ୍କୁ ଶେଷ ଓଭର ପୂରଣ କରିବାର ଦାୟିତ୍ୱ ଦେଇଥିଲେ। ମୁକେଶ ପନ୍ତଙ୍କୁ ନିରାଶା କରିବାକୁ ଦେଇ ନ ଥିଲେ। ବିସ୍ଫୋରକ ଡେଭିଡ ମିଲରକୁ ଆଉଟ୍ କରି ମୁକେଶ କୁମାର ଦିଲ୍ଲୀର ବିଜୟର ଦ୍ୱାର ଖୋଲିଥିବା ବେଳେ ସେ ଓଭରରେ ଦୁଇଟି ବଲ ଏମିତି ବୋଲିଂ କରିଥିଲେ ଯେଉଁଥିରେ କୌଣସି ରନ ସ୍କୋର ହୋଇ ନ ଥିଲା, ଏହି କାରଣରୁ ଦିଲ୍ଲୀ ଦଳ ୪ ରନ କରି ମ୍ୟାଚ ଜିତିବାରେ ସଫଳ ହୋଇଥିଲା। କିନ୍ତୁ ଏହା ବ୍ୟତୀତ ମ୍ୟାଚରେ ଏକ ମୁହୂର୍ତ୍ତ ମଧ୍ୟ ରହିଥିଲା ଯାହା ମ୍ୟାଚକୁ ବଦଳାଇ ଦେଇଥିଲା।
ଦିଲ୍ଲୀ ଟିମ୍ ପକ୍ଷରୁ ଖେଳୁଥିବା ଦକ୍ଷିଣ ଆଫ୍ରିକାର ଖେଳାଳି ଟ୍ରିଷ୍ଟନ୍ ଷ୍ଟବ୍ସ ଶେଷ ଓଭରରେ ଏକ ଚମତ୍କାର କ୍ୟାଚ୍ ଧରିଥିଲେ। ୧୯ତମତମ ଓଭରରେ ଷ୍ଟବିସ ରସିଦ ଖାନଙ୍କ ଏକ ସଟ କ୍ୟାଚ୍ ଧରିଥିଲେ। ଷ୍ଟବ୍ସ ଆକାଶକୁ ଡେଇଁ ଅସମ୍ଭବକୁ କ୍ୟାଚ୍କୁ ସମ୍ଭବ କରିଥିଲେ। ଏହି କ୍ୟାଚ୍ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ। ଜିତିବା ପାଇଁ ଗୁଜରାଟକୁ ଶେଷ ଦୁଇଟି ବଲରେ ୧୦ରନ ଆବଶ୍ୟକ ଥିଲା। ଏଭଳି ପରିସ୍ଥିତିରେ ରସିଦ ପଞ୍ଚମ ବଲରେ ଛକା ମାରିଥିଲେ। ବର୍ତ୍ତମାନ ଶେଷ ବଲରେ ୫ ରନ ଆବଶ୍ୟକ ଥିଲା। ଏହାର ଅର୍ଥ ହେଉଛି ଛାକା ହେଲେ ଗୁଜୁରାଟ ଦଳ ମ୍ୟାଚ ଜିତିବାରେ ସଫଳ ହୋଇଥାନ୍ତା। ଏଥି ସହିତ ସୁପର ଓଭର ହେବାର ସୁଯୋଗ ରହିଥିଲା, କିନ୍ତୁ ରସିଦ ଶେଷ ବଲରେ କୌଣନ ସ୍କୋର କରିପାରି ନ ଥିଲେ ଏବଂ ଏହିପରି ଦିଲ୍ଲୀ ଦଳ ୪ ରନ୍ରେ ମ୍ୟାଚ ଜିତିବାରେ ସଫଳ ହୋଇଥିଲା।