ସିଡନୀ,୨୮।୨: ଅଷ୍ଟ୍ରେଲିଆର ସୀମିତ ଓଭର ଅଧିନାୟକ ଆରୋନ ଫିଞ୍ଚ ଟି -୨୦ରେ ଭଲ ପ୍ରଦର୍ଶନ କରିପାରି ନାହାନ୍ତି। ନ୍ୟୁଜିଲାଣ୍ଡ ବିପକ୍ଷରେ ଖେଳାଯାଉଥିବା ପାଞ୍ଚ ମ୍ୟାଚ ସିରିଜର ପ୍ରଥମ ଦୁଇଟି ମ୍ୟାଚରେ ସେ ମାତ୍ର ୧୩ ରନ ସ୍କୋର କରିବାରେ ସକ୍ଷମ ହୋଇଥିଲେ। ତାଙ୍କର ଖରାପ ପ୍ରଦର୍ଶନ ତାଙ୍କ ସ୍ତ୍ରୀ ଆମି ଫିଞ୍ଚଙ୍କୁ ପ୍ରଶଂସକ ମାନେ ଟାର୍ଗେଟ କରିଛନ୍ତି। ତାଙ୍କୁ ଅନଲାଇନରେ ଜଣେ ପ୍ରଶଂସକ ଦୁର୍ବ୍ୟବହାର କରି ଆରୋନଙ୍କୁ ଟି -୨୦ ର ଅଧିନାୟକତ୍ୱ ଛାଡିବାକୁ କହିଥିଲେ। ସେଥିପାଇଁ ଆମି ବିଚଳିତ ହୋଇପଡ଼ିଛନ୍ତି। ଏପରି ଜିନିଷ ଗ୍ରହଣ କରାଯାଇପାରିବ ନାହିଁ ବୋଲି ସେ କହିଛନ୍ତି। ମୋ ସ୍ବାମୀ ରନ ସ୍କୋର କରିବାକୁ ସମସ୍ତ ପ୍ରକାର ଉଦ୍ୟମ କରୁଛନ୍ତି। ଅତୀତରେ ମଧ୍ୟ ଏଭଳି ଘଟଣା ଘଟୁଥିଲା, କିନ୍ତୁ ପ୍ରଥମ ଥର ପାଇଁ ମୁଁ ଏବଂ ମୋ ପରିବାରକୁ ଟାର୍ଗେଟ କରାଯାଇଛି। ମୁଁ ଏହି ପ୍ରକାରର ଜିନିଷକୁ ସହି ପାରିବି ନାହଁି ବୋଲି ଆମି କହିଛନ୍ତି। ଆରୋନ ଫିଞ୍ଚଙ୍କ ଶେଷ ୨୬ ଇନିଂସ ବିଷୟରେ କହିବାକୁ ଗଲେ ସେ ହାରାହାରି ୧୫ରେ ସ୍କୋର କରିବାରେ ସକ୍ଷମ ହୋଇଛନ୍ତି। ଏଥିରେ ଟି-୨୦, ଆଇପିଏଲ ଏବଂ ବିଗ ବାସ ଲିଗ ଅନ୍ତର୍ଭୁକ୍ତ। ଏହି ଖରାପ ପ୍ରଦର୍ଶନ ଯୋଗୁ ଚଳିତ ବର୍ଷ ଭାରତରେ ଅନୁଷ୍ଠିତ ହେବାକୁ ଥିବା ଟି -୨୦ ବିଶ୍ୱକପରେ ତାଙ୍କର ସ୍ଥାନ ନିଶ୍ଚିତ ହୋଇନାହିଁ। ଅଷ୍ଟ୍ରେଲିଆ ଏପର୍ଯ୍ୟନ୍ତ ଟି -୨୦ ବିଶ୍ୱକପ ଟାଇଟଲ ଜିତି ନାହିଁ। ଆଇପିଏଲ ନିଲାମରେ ମଧ୍ୟ ଏଥର କୌଣସି ଦଳ ଫିଞ୍ଚ୍ଙ୍କୁ କିଣି ନାହାଁନ୍ତି।
