ଲଣ୍ଡନ, ୧।୮: କ୍ୟାଟ୍ ଡିକ୍ସନ (୫୪ ବର୍ଷ) ଓ ରେଜ ମାର୍ସଡେନ (୫୫ ବର୍ଷ)। ବ୍ରିଟେନର ଏହି ଦୁଇ ମହିଳା ସାଇକ୍ଲିଷ୍ଟ ମିଳିତ ଭାବେ ୨୬୩ ଦିନ ୮ ଘଣ୍ଟା ଓ ୭ ମିନିଟ୍ରେ ୨୯ ହଜାର କିଲୋ ମିଟର ସାଇକେଲରେ ଯାତ୍ରା କରି ଗିନିଜ ରେକର୍ଡ ପ୍ରତିଷ୍ଠା କରିଛନ୍ତି। ପୂର୍ବରୁ ଏହି ରେକର୍ଡ ବ୍ରିଟେନର ଦୁଇ ପୁରୁଷ ସାଇକେଲ ଚାଳକ ଏଡ୍ଓ୍ବାର୍ଡ କଲିଅର୍ ଓ ଲୁଇସ୍ ପଲ୍ ସ୍ନେଲଗ୍ରୋଭଙ୍କ ନାମରେ ରହିଥିଲା। ଏହି ଦୂରତାକୁ ଏଡ୍ଓ୍ବାର୍ଡ ଓ ଲୁଇସ୍ ୨୮୧ ଦିନରେ ଶେଷ କରିଥିଲେ। କ୍ୟାଟ୍ ଓ ରେଜ୍ ୧୮ ଦିନ କମ୍ ସମୟ ନେଇ ଏବେ ନୂତନ ରେକର୍ଡର ଅଧିକାରିଣୀ ହୋଇଛନ୍ତି।
ହୋଇଥିବା ଏହି ଯାତ୍ରା କାଳରେ ଡିକ୍ସନ ଓ ମାର୍ସଡେନ ୨୫ଟି ଦେଶ ଅତିକ୍ରମ କରିଛନ୍ତି। ୨୯ ଜୁନ୍ ୨୦୧୯ରେ ଇଂଲଣ୍ଡର ଅକ୍ସଫୋର୍ଡଶାୟରରୁ ସେମାନଙ୍କ ଯାତ୍ରା ଆରମ୍ଭ କରିଥିଲେ। ଯାହାକି ଲକ୍ ଡାଉନ୍ ପୂର୍ବରୁ ୧୮ ମାର୍ଚ୍ଚ ୨୦୨୦ରେ ଲଣ୍ଡନରେ ଶେଷ ହୋଇଥିଲା। ଗୋଟିଏ ଦିନରେ ସେମାନେ ୧୨୫ରୁ ୧୬୦ କିଲୋମିଟର ପର୍ଯ୍ୟନ୍ତ ଯାତ୍ରା କରୁଥିଲେ। ଡିକ୍ସନ ଓ ମାର୍ସଡେନ ୨୫ଟି ଦେଶରେ ଯାତ୍ରା ସମୟରେ ୩୭ ଲକ୍ଷ ଟଙ୍କା ତାଙ୍କ ଚ୍ୟାରିଟି ସଂସ୍ଥା ପାଇଁ ସଂଗ୍ରହ କରିଥିଲେ। ଯାତ୍ରା କାଳରେ ଉଭୟ ଫ୍ରାନ୍ସ, ମୋନାକୋ, ଇଟାଲୀ, ସ୍ଲୋଭାନିଆ, କ୍ରୋଏସିଆ, ବୋସନିଆ, ଗ୍ରୀସ୍, ତୁର୍କୀ, ଜର୍ଜିଆ, ମିଅଁାମାର, ଥାଇଲାଣ୍ଡ, ଭାରତ, ସିଙ୍ଗାପୁର, ଅଷ୍ଟ୍ରେଲିଆ, ନ୍ୟୁଜିଲାଣ୍ଡ, ଆମେରିକା, ମେକ୍ସିକୋ, ମର୍କୋ, ସ୍ପେନ ଦେଇ ସ୍ବଦେଶରେ ପହଞ୍ଚତ୍ଥିଲେ।