ଲଣ୍ଡନ,୧।୫: ବ୍ରିଟେନରେ ଜଣେ ୨୧ ବର୍ଷୀୟା ମହିଳା ଏକ କନ୍ୟା ସନ୍ତାନ ଜନ୍ମ ଦେଇଛନ୍ତି। ଏହି ଶିଶୁର ଓଜନ ୬ କେଜି। ଯାହାକୁ ନେଇ ଡାକ୍ତରମାନେ ଅଶ୍ଚର୍ଯ୍ୟ ହୋଇଛନ୍ତି।
ବ୍ରିଟେନର ଅକ୍ସଫୋର୍ଡସ୍ଥିତ ଏଷ୍ଟନ ଅଞ୍ଚଳରେ ଏପରି ମାମଲା ସାମ୍ନାକୁ ଆସିଛି। ଏଠାକାର ୨୧ ବର୍ଷୀୟା ଏମ୍ବର କମ୍ବରଲ୍ୟାଣ୍ଡଙ୍କୁ ପ୍ରସବ ଯନ୍ତ୍ରଣା ହେବାରୁ ତାଙ୍କୁ ହସ୍ପିଟାଲ ନିଆଯାଇଥିଲା। ଡାକ୍ତର ଯେତେବେଳେ ତାଙ୍କୁ ଦେଖିଲେ ଭାବିଥିଲେ ଯାଁଳା ପିଲା ଜନ୍ମ ନେବେ। ମାତ୍ର ଅଲ୍ଟ୍ରାସାଉଣ୍ଡ ପରେ ଡାକ୍ତରଙ୍କ ଏହି ଭାବନା ମିଥ୍ୟା ପ୍ରମାଣିତ ହୋଇଥିଲା। ଏହି କନ୍ୟା ସନ୍ତାନ ୧୩ ପାଉଣ୍ଡ ଅର୍ଥାତ୍ ସାଢ଼େ ୬ କିଲୋ ଓଜନର ହୋଇଥିଲା। ଗତ ୧୬ ଏପ୍ରିଲରେ ଏମ୍ବର ଏମିଲିଆଙ୍କୁ ଜନ୍ମ ଦେଇଥିଲେ। ଏମିଲିଆ ଗର୍ଭାବସ୍ଥାରେ ହିଁ ମାତାପିତାଙ୍କୁ ଆଶ୍ଚର୍ଯ୍ୟ କରିଥିଲା। ଏମ୍ବର କୁହନ୍ତି ଏମିଲିଆ ପେଟ ଭିତରେ ଏତେ ବଡ଼ ହୋଇଯାଇଥିଲେ ଯେ, ସେ ଡରି ଯାଇଥିଲେ। ବର୍ତ୍ତମାନ ମା-ଝିଅଙ୍କ ସ୍ବାସ୍ଥ୍ୟାବସ୍ଥା ଠିକ୍ ଅଛି ବୋଲି ଡାକ୍ତର କହିଛନ୍ତି। ଅପରେଶନ ପରେ ଯେତେବେଳେ ଡାକ୍ତରମାନେ ତାଙ୍କ କୋଳରେ ଆଣି କନ୍ୟା ସନ୍ତାନକୁ ଦେଲେ ଏମ୍ବର ବହୁତ ଖୁସି ହୋଇଯାଇଥିଲେ।
ସୂଚନାଯୋଗ୍ୟ, ଏହା ପୂର୍ବରୁ ୨୦୧୨ରେ ବ୍ରିଟେନରେ ଜଣେ ଶିଶୁକନ୍ୟା ଜନ୍ମ ହୋଇଥିଲେ। ଯାହାଙ୍କ ଓଜନ ସାଢ଼େ ୬ କେଜି ଥିଲା। ସେତେବେଳେ ଏହି ଶିଶୁକନ୍ୟାଙ୍କୁ ବିଶ୍ୱରେ ସବୁଠୁ ଓଜନ ସନ୍ତାନ ବୋଲି କୁହାଯାଉଥିଲା। ବର୍ତ୍ତମାନ ଏମିଲିଆ ହେଉଛନ୍ତି ବିଶ୍ୱରେ ଦ୍ୱିତୀୟ ଓଜନିଆ ପିଲା।