ଆମେରିକାର ଜଣେ ୪୪ ବର୍ଷୀୟା ମହିଳା ତାଙ୍କଠାରୁ ୧୫ ବର୍ଷ ସାନ ବୟଫ୍ରେଣ୍ଡ ବା ପ୍ରେମିକଙ୍କୁ ଏକ ଦାମୀ କାର୍ ଗିଫ୍ଟ ଦେଇଛନ୍ତି। ଜୁଲି ନାମକ ଏହି ମହିଳା ତାଙ୍କ ପ୍ରେମିକ ଜ୍ୟାକ୍ଙ୍କ ପାଇଁ ସବୁବେଳେ ଲକ୍ଷ ଲକ୍ଷ ଟଙ୍କା ଖର୍ଚ୍ଚରେ ଉଡ଼ାଇ ଦିଅନ୍ତି । ଏହା ବଦଳରେ ତାଙ୍କ ପ୍ରେମିକ ଘରର ସମସ୍ତ କାମ କରନ୍ତି।
ଜୁଲି ଖ୍ରୀଷ୍ଟମାସ ଉପଲକ୍ଷେ ଜ୍ୟାକ୍ଙ୍କୁ ଏକ ଦାମୀ କାର୍ ଉପହାର ଦେବାକୁ ଯୋଜନା କରିଛନ୍ତି। ଏଥିପାଇଁ ସେ ଏକ ସ୍ପୋଟର୍ସ ରେଞ୍ଜ ରୋଭର କାର୍ ବୁକ୍ କରିଛନ୍ତି। ଯାହାର ଦାମ୍ ୨ କୋଟିରୁ ଅଧିକ। ଜୁଲି କୁହନ୍ତି, ସେ ଜ୍ୟାକ୍ଙ୍କ ସହିତ ବାହାମାସକୁ ଛୁଟି ମନାଇବାକୁ ଯାଇଥିଲେ। ଦୁହେଁ ଖୁବ୍ ଶୀଘ୍ର ବ୍ରାଜିଲ ବୁଲିବାକୁ ଯିବେ। ସେମାନେ ବୁଲିବାକୁ ଖୁବ୍ ଭଲ ପାଆନ୍ତି।
ଏକ ସାକ୍ଷାତକାରରେ ଜୁଲି କହିଛନ୍ତି, ଗତବର୍ଷ ଏକ ଡେଟିଂ ଆପ୍ରେ ଜ୍ୟାକ୍ଙ୍କ ସହ ଭେଟ ହୋଇଥିଲା। ସେବେଠାରୁ ସେମାନେ ବିଳାସପୂର୍ଣ୍ଣ ଟ୍ରିପ୍ରେ ଯାଉଛନ୍ତି। ଏହି ଯୋଡ଼ି ବହୁବାର ବିଦେଶ ଯାତ୍ରା କରିଛନ୍ତି। ଜ୍ୟାକ୍ ଜୁଲିଙ୍କର ସମସ୍ତ କାମ କରିଦିଅନ୍ତି। ଏପରିକି ଘରର ସବୁ କାମ ଜ୍ୟାକ୍ ହିଁ କରନ୍ତି। ରୋଷେଇ କରିବାଠାରୁ ଆରମ୍ଭ କରି ପ୍ରତ୍ୟେକ କାମ ଜ୍ୟାକ୍ କରିଥାନ୍ତି। ଏଥିରେ ଜୁଲି ବହୁତ ଖୁସି।
ଜୁଲି ବିବାହିତ ହୋଇଥିବା ବେଳେ ତାଙ୍କର ଦୁଇ ପିଲା ଅଛନ୍ତି। ଯାହାଙ୍କ ବୟସ ୧୮ ଏବଂ ୨୧। ତଥାପି ଜୁଲି ଜ୍ୟାକ୍ଙ୍କ ପ୍ରେମରେ। ଜୁଲି ଏବଂ ଜ୍ୟାକ୍ ସୋସିଆଲ ମିଡିଆରେ ଅନେକ ସମୟରେ ଫଟୋଗୁଡ଼ିକ ଶେୟାର କରିଥାନ୍ତି। ଜୁଲିଙ୍କର ୯୩୦୦୦ରୁ ଅଧିକ ଟିକ୍ଟକ୍ ଫଲୋଅର୍ସ ଅଛନ୍ତି। ଏଥିରୁ ସେ ଲକ୍ଷାଧିକ ଟଙ୍କା ରୋଜଗାର କରନ୍ତି।