ସାଧାରଣତଃ କୌଣସି ଘର କିମ୍ବା ଘରର ପାଖ ପରିବେଶ ଭଲ ନ ଥିଲେ ଲୋକମାନେ ଭଡା ଘର ବଦଳାଇ ଥା’ନ୍ତି। କିନ୍ତୁ ଆପଣ କେବେ ଶୁଣିଛନ୍ତି କି ଅସରପା ଭୟରେ କେହି ୧୮ଥର ବଦଳାଇ ଦେଇପାରିବେ। କିନ୍ତୁ ଏହା ସତ, ମଧ୍ୟପ୍ରଦେଶର ରାଜଧାନୀ ଭୋପାଳରେ ଏହା ଘଟିଛି। ଏଠାରେ ଏକ ଦମ୍ପତିଙ୍କ ବିବାହ ତିନି ବର୍ଷ ତଳେ ହୋଇଥିଲା। ଏହି ସମୟ ମଧ୍ୟରେ ସେମାନେ ୧୮ଥର ଘର ବଦଳାଇଥିବା ମହିଳାଙ୍କ ସ୍ବାମୀ କହିଛନ୍ତି। ତାଙ୍କ ସ୍ତ୍ରୀ ଅସରପାକୁ ବହୁତ ଭୟ କରନ୍ତି। କୌଣସି ଘରେ ଅସରପାଟିଏ ଦେଖିଲେ ସେ ଚିତ୍କାର କରନ୍ତି, ସଙ୍ଗେ ସଙ୍ଗେ ଘର ବଦଳାଇବାକୁ ଦାବି କରନ୍ତି। ଏହି କାରଣରୁ ତାଙ୍କୁ ଏବଂ ତାଙ୍କ ପରିବାରକୁ ଅନେକ ଅସୁବିଧାର ସମ୍ମୁଖୀନ ହେବାକୁ ପଡୁଥିବା ସେ କହିଛନ୍ତି। ସ୍ତ୍ରୀଙ୍କ ଏଭଳି ଆଚରଣ ଅତିଷ୍ଟ ହୋଇ ସ୍ବାମୀ ତାଙ୍କୁ ଛାଡପତ୍ର ଦେବାକୁ ଯୋଜନା କରିଛନ୍ତି। ଏପରିକି ସେ ଆଇନଗତ ସହାୟତା ଲୋଡିଛନ୍ତି।
ପୂର୍ବରୁ ସମ୍ପୃକ୍ତ ମହିଳାଙ୍କ ସ୍ବାମୀ ଅନେକ ଘରୋଇ ମାନସିକ ରୋଗ ବିଶେଷଜ୍ଞଙ୍କୁ ଦେଖାଇଥିଲେ ମଧ୍ୟ ସ୍ତ୍ରୀ ଔଷଧ ଖାଇବାକୁ ପ୍ରସ୍ତୁତ ନୁହଁନ୍ତି। ଏଥିସହ ମହିଳା ଜଣଙ୍କ ଅଭିଯୋଗ କରିଛନ୍ତି ଯେ ତାଙ୍କ ସ୍ବାମୀ ତାଙ୍କ ସମସ୍ୟା ବୁଝନ୍ତି ନାହିଁ ଏବଂ ତାଙ୍କୁ ପାଗଳ ଘୋଷଣା କରିବା ପାଇଁ ଲାଗିପଡିଥିବା ସେ କହିଛନ୍ତି।