ରାଜନଗର,୧୦।୩: ତାଳଚୁଆ ସାମୁଦ୍ରିକ ଥାନା ଅଧୀନ ବାଘମାରୀ ଗାଁରେ ଯୌତୁକ ପାଇଁ ଜଣେ ମହିଳାଙ୍କୁ ହତ୍ୟା କରାଯାଇଥିବା ଅଭିଯୋଗ ହୋଇଛି। ମୃତକଙ୍କ ନାମ ବୈଶାଖୀ ପାଳ। ଶାଶୁ, ଶ୍ୱଶୁର, ସ୍ବାମୀ ଓ ଦିଅର ମିଶି ତାଙ୍କୁ ହତ୍ୟା କରିଥିବା ବୈଶାଖୀଙ୍କ ବାପା ଥାନାରେ ଲିଖିତ ଅଭିଯୋଗ କରିଛନ୍ତି।
ସୂଚନା ଅନୁଯାୟୀ, ସୁବର୍ଣ୍ଣପୁର ଗାଁର ମାନଗୋବିନ୍ଦ ମାନାଙ୍କ ଝିଅ ବୈଶାଖୀ(୨୨) ଗତ ୫ ବର୍ଷ ତଳେ ବାଘମାରୀ ଗାଁର ଗଣେଶ ପାଳଙ୍କ ପୁଅ ତାପସଙ୍କୁ ବିବାହ କରିଥିଲେ। ବିବାହ ସମୟରେ ବରପକ୍ଷର ଦାବି ମୁତାବକ ଯୌତୁକ ଦିଆଯାଇଥିଲା। ମାତ୍ର ବରପକ୍ଷ ଅଧିକ ଯୌତୁକ ଦାବି କରୁଥିଲେ। ଏହାକୁ ନେଇ ବୈଶାଖୀଙ୍କୁ ଶାଶୁଘର ଲୋକେ ଶାରୀରିକ ଓ ମାନସିକ ନିର୍ଯାତନା ଦେଇ ଆସୁଥିଲେ। ମଙ୍ଗଳବାର ବୈଶାଖୀଙ୍କ ବାପାଙ୍କ ପାଖକୁ ଫୋନ ଆସିଥିଲା। ତୁମ ଝିଅ ଦେହ ଖରାପ ଅଛି। ଶୀଘ୍ର ଆସ ବୋଲି ଶାଶୁଘର ଲୋକେ ଡାକିଥିଲେ। ମାନଗୋବିନ୍ଦ ପହଞ୍ଚତ୍ ଝିଅ ମରି ପଡିଥିବା ଦେଖିଥିଲେ। ଏ ନେଇ ଗାଁରେ ଏକ ବୈଠକ ବସିଥିଲା। ହେଲେ କୌଣସି ସମାଧାନ ସୂତ୍ର ନ ବାହାରିବାରୁ ବୈଶାଖୀଙ୍କ ବାପା ତାଳଚୁଆ ସାମୁଦ୍ରିକ ଥାନାରେ ଲିଖିତ ଅଭିଯୋଗ କରିଥିଲେ। ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ।