ହିନ୍ଦୋଳ,୧୧ା୬(ଡି.ଏନ୍.ଏ.): ଢେଙ୍କାନାଳ ଜିଲା ହିନ୍ଦୋଳ ବ୍ଲକ ବାଲିମୀ ଥାନା କୁକୁଟା ଗ୍ରାମରେ ଶୁକ୍ରବାର ପୂର୍ବାହ୍ନରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ଏହାକୁ ନେଇ ଅଞ୍ଚଳରେ ନାନା ଆଲୋଚନା ହେଉଛି। ଖବରରୁ ପ୍ରକାଶ ଯେ, ଖଣ୍ଡତିରି ଗ୍ରାମର ଜନୈକା ମହିଳା କୁକୁଟା ଗ୍ରାମରେ ୬ ବର୍ଷ ତଳେ ବିବାହ କରିଥିଲେ। ମହିଳାଙ୍କ ସ୍ବାମୀ ବମ୍ବେରେ ଏକ କମ୍ପାନୀରେ କାମ କରନ୍ତି । ଏହି ସୁଯୋଗରେ ମହିଳା ଜଣକ ଗ୍ରାମର ଜଣେ ଯୁବକଙ୍କ ଶହ ଗତ ଦୁଇ ବର୍ଷ ଧରି ଅନୈତିକ ସମ୍ପର୍କ ରଖିଥିଲେ। ତେବେ ଗୁରୁବାର ରାତିରେ ପ୍ରେମିକ ଯୁବକ ଜଣଙ୍କ ପ୍ରେମିକାଙ୍କ ଝରକା ତାଡ଼ି ଘରେ ପଶିଥିଲେ। କିଛି ସମୟ ପରେ ଘର ଲୋକମାନେ ଅସଂଯତ ଅବସ୍ଥାରେ ଦୁହିଁଙ୍କୁ ଧରିଥିଲେ। ଶୁକ୍ରବାର ସକାଳେ ଗ୍ରାମ ଭଦ୍ରବ୍ୟକ୍ତିଙ୍କ ଉପସ୍ଥିତିରେ ଉଭୟ ପ୍ରେମିକ ଓ ପ୍ରେମିକାଙ୍କୁ ଗ୍ରାମସ୍ଥିତ ବାସୁଦେବଙ୍କ ମନ୍ଦିରରେ ବିବାହ ସମ୍ପନ୍ନ କରାଇଥିଲେ।