ହିଞ୍ଜିଳିକାଟୁ,୨୦।୩(ଡି.ଏନ.ଏ.): ହିଞ୍ଜିଳିକାଟୁ ବ୍ଲକ ଅନ୍ତର୍ଗତ ସରଧାପୁର ଗ୍ରାମରେ ସୋମବାର ପୋଖରୀରେ ବୁଡ଼ିଯାଇ ସରା ଦାଶ (୪୦)ଙ୍କ ମୃତ୍ୟୁ ଘଟିଛି।
ସାରା ପୋଖରୀକୁ ଗାଧୋଇବାକୁ ଯାଇଥିବା ବେଳେ ପାଣିରେ ବୁଡିଯାଇଥିଲେ। ବହୁତ ସମୟ ଧରି ସେ ଘରକୁ ନଫେରିବାରୁ ପରିବାର ଲୋକେ ପୋଖରୀ ନିକଟକୁ ଖୋଜିବା ପାଇଁ ଆସିଥିଲେ। ପୋଖରୀ ହୁଡ଼ାରେ ତାଙ୍କ ଶାଢ଼ୀ ଥିବା ଦେଖି ପୋଖରୀରେ ବୁଡି ଯାଇଥିବା ସନ୍ଦେହ କରି ଖୋଜିଥିଲେ। ପରେ ତାଙ୍କ ମୃତ ଦେହ ଜବତ କରାଯାଇଥିଲା। ହିଞ୍ଜିଳି ପୋଲିସ ମୃତଦେହ ଜବତ କରି କେସ ନଂ. ୬/୨୩ ରେ ଏକ ଅପମତ୍ୟୁ ମାମଲା ରୁଜୁ କରିଛି।