ଗୋଟିଏ ପରେ ଗୋଟିଏ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। କିଛି ଭିଡିଓ ଭିନ୍ନ ଏବଂ ଅନନ୍ୟ ଶୈଳୀରେ ହୋଇଥିବାରୁ ଲୋକମାନେ ଏହାକୁ ବାରମ୍ବାର ଦେଖିଥାନ୍ତି। ଏବେ ସେମିତି ଏକ ଭିଡିଓ ଭାଇରାଲ ହେଉଛି। ଯେଉଁଥିରେ ଜଣେ ମହିଳା ଶାଢ଼ି ପିନ୍ଧି ବୁଲେଟ୍ ଚଢ଼ି ରାସ୍ତାରେ ଯାଉଛନ୍ତି।
ଇନ୍ଷ୍ଟାଗ୍ରାମ sona_omiରେ ଭିଡିଓଟି ଶେୟାର ହୋଇଛି। ଯେଉଁଥିରେ ଦେଶୀ ଲୁକ୍ରେ ମହିଳାଙ୍କୁ ଦେଖିବାକୁ ମିଳିଛି। ତାଙ୍କର ବୁଲେଟ୍ ଚଢ଼ିବା ଶୈଳୀ ଅନେକ ଲୋକଙ୍କୁ ଆକର୍ଷିତ କରୁଛି। ପାରମ୍ପାରିକ ଶାଢ଼ି, ମୁଣ୍ଡରେ ସିନ୍ଦୂର, ଓଢ଼ଣୀ ଦେଇ ଆଉ ଜଣେ ମହିଳାଙ୍କୁ ବସାଇ ବୁଲେଟ୍ ଚଢୁଛନ୍ତି। ଏହା ଦେଖି ୟୁଜର କହିଛନ୍ତି, ଚମତ୍କାର। ମହିଳାଙ୍କ ବୁଲେଟ୍ ଚଢ଼ା ଶୈଳୀ ଦର୍ଶକଙ୍କ ହୃଦୟ ଜିତିଛି। ସେ ଗାଡ଼ି ଚଢ଼ିବା ବେଳେ ରାସ୍ତାରେ ଲୋକମାନେ ତାଙ୍କର ଭିଡିଓ କରୁଛନ୍ତି। ପରେ ଏହି ଭିଡିଓଟି ସୋସିଆଲ ମିଡିଆରେ ଭାଇରାଲ ହୋଇଥିଲା
ମହିଳାଙ୍କ ବୁଲେଟ୍ ଚାଳନା ଶୈଳୀ କୌଣସି ପୁରୁଷଙ୍କ ଅପେକ୍ଷା କମ୍ ନ ଥିଲା। ଆତ୍ମବିଶ୍ୱାସ ମଧ୍ୟ ବହୁତ ଭଲ ଥିଲା ଏବଂ ଗତି ମଧ୍ୟ ଜବରଦସ୍ତ ଥିଲା। ସେଥିପାଇଁ ବୁଲେଟ୍ ଚଲାଇବା ସମୟରେ ସେ କ୍ୟାମେରାମ୍ୟାନଙ୍କୁ ଦେଖି ହସି ହସି ଆଗକୁ ବଢ଼ି ଚାଲିଥିଲେ। ୟୁଜରମାନେ କହିଛନ୍ତି, ଭାଉଜଙ୍କ ଷ୍ଟାଇଲ୍ ଚମତ୍କାର। ସେଥିପାଇଁ ଏହି ଭିଡିଓକୁ ଲକ୍ଷ ଲକ୍ଷ ଥର ଦେଖାଯାଇଛି ଏବଂ ୫୦ ହଜାରରୁ ଅଧିକ ଲୋକ ମଧ୍ୟ ଏହାକୁ ପସନ୍ଦ କରିଛନ୍ତି। ମନ୍ତବ୍ୟଗୁଡିକ ମଧ୍ୟ ଅତ୍ୟନ୍ତ ମଜାଳିଆ, ପଢ଼ିଲେ ଯେ କେହି ଉପଭୋଗ କରିବେ।