ନିରାକାରପୁର,୨୨।୮(ମାନସ ଚନ୍ଦ୍ର ପଟ୍ଟନାୟକ)ଏବେ ଗାଁ ଗହଳିରେ ବିନା ତାଲିମ ପ୍ରାପ୍ତ ଏବଂ କମ୍ପୁଟରରେ କିଛି ଧାରଣା ନ ଥିବା କିଛି ବ୍ୟକ୍ତି ଗୋଟେ ଗୋଟେ କମ୍ପୁଟର ରଖି ସେଠାରେ ଅନ୍ଲାଇନ୍ ସେବା ଗୁଡିକ ଯୋଗାଇ ଦେବା ପାଇଁ ପ୍ରୟାସ କରି ଗାଁ ଗହଳିରେ ଥିବା ନିରିହ ଲୋକଙ୍କୁ ଶୋଷଣ କରି ଲୁଟିବାରେ ଲାଗିପଡିଛନ୍ତି ା ନିରିହ ଲୋକମାନେ କିଛି ନ ଜାଣି ବିନା ମନି ରସିଦରେ କୌଣସି ପ୍ରମାଣ ପତ୍ର ନ ଆଣି ଶହ ଶହ ଟଙ୍କା ଗଣିଦେଉଛନ୍ତି ା ଏବଂ ପରେ ଅନ୍ଲାଇନ୍ରେ କୈାଣସି ଯୋଜନାରେ ଆବେଦନ କଲାବେଳେ ନାଁ ଜଣଙ୍କର ହୋଇଥିବା ବେଳେ ଆକାଉଣ୍ଟ ଆଉଜଣଙ୍କର ବାହାରୁଛି ଯାହା ଫଳରେ ସେଇ ନିରିହ ଲୋକଟି ଆବେଦନ କରୁଛି ବ୍ଲକ ଠାରୁ ପଞ୍ଚାୟତକୁ ଧାଇଁ ଧାଇଁ ନୟାନ୍ତ ହେଇ ବିଭିନ୍ନ ଯୋଜନା ସମେତ ବାର୍ଦ୍ଧକ୍ୟ ଭତାରୁ ବାଦ ପଡୁଛି।
ଏଭଳି ଏକ ଦୃଶ୍ୟ ଖୋର୍ଦ୍ଧା ଜିଲା ଟାଙ୍ଗୀ ବ୍ଲକ୍ ଲେଣ୍ଡୋ ପଞ୍ଚାୟତରେ ଦେଖିବାକୁ ମିଳିଛି ା ଜଣେ ୭୨ବର୍ଷିୟ ବୃଦ୍ଧ ମଧୁବାବୁ ପେନସନ ଯୋଜନା ପାଇଁ ୨୦୨୦ମସିହାରୁ ଆବେଦନ କରିଆସୁଥିଲେ ମଧ୍ୟ ଏହା ଭୁଲ ଆବେଦନ ଦର୍ଶାଇ ବାରମ୍ବାର ରିଜେକ୍ଟ ହୋଇଯାଉଥିଲେ ା ତେବେ ସେ ମଙ୍ଗଳବାର ଦିନ ସଂଧ୍ୟାରେ ନିରାକାରପୁର ପଞ୍ଚାୟତରେ ଥିବା ମୋ ସେବା କେନ୍ଦ୍ରକୁ ଯାଇ ଦେଖାଇବା ପରେ ତାଙ୍କର ଆକାଉଣ୍ଟରେ ଜଣେ ମହିଳାଙ୍କ ନାଁ ରହିଥିବା ଦେଖିବାକୁ ମିଳିଥିଲା ା ତେବେ ଜଣେ ବ୍ୟକ୍ତିଙ୍କ ଅନ ଲାଇନ ସେଣ୍ଟରରୁ ସେ ଏହି ଆବେଦନ କରିଥିଲେ ବୋଲି ଜଣାପଡିଛି। ସେ ପୁଣି କହି ନୂତନ ଭାବରେ ଆବେଦନ କରିଛନ୍ତି ା ତେବେ ଏହି ସବୁ ସେଣ୍ଟର ଉପରେ ପ୍ରଶାସନ ପକ୍ଷରୁ କୌଣସି ପ୍ରକାର ଖୋଳତାଡ ହେଉ ନ ଥିବାରୁ ବାରମ୍ବାର ଏଭଳି ସମସ୍ୟା ଉପୁଜୁଥିବା ଦେଖିବା ମିଳୁଛି। ଏହା ଉପରେ ତଦନ୍ତ ନ କଲେ ଅନେକେ ଏହାର ଶିକାର ହେବେ ବୋଲି ବୃଦ୍ଧିଜୀବୀ ମହଲରୁ ଦାବି ହୋଇଛି।