ଆନନ୍ଦପୁର,୧୮।୨(ସ୍ବ.ପ୍ର.): କେନ୍ଦୁଝର ଜିଲା ଘସିପୁରା ବ୍ଲକ୍ ପରିସର ଏକ କୋଠରୀରୁ ଶୁକ୍ରବାର ସକାଳେ ଜଣେ ମହିଳାଙ୍କ ଝୁଲନ୍ତା ମୃତଦେହ ଜବତ କରାଯାଇଛି। ମହିଳାଙ୍କ ପରିଚୟ ମିଳିପାରି ନ ଥିବାବେଳେ ପୋଲିସ ତଦନ୍ତ ଆରମ୍ଭ କରିଛି। ପଚା ଦୁର୍ଗନ୍ଧ ବାହାରୁଥିବା ଦେଖି ସ୍ଥାନୀୟ ଲୋକ ବିଡିଓଙ୍କୁ ଖବର ଦେଇଥିଲେ। ପରେ ଘସିପୁରା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ। ଆନନ୍ଦପୁର ଏସ୍ଡିପିଓ ଅନୀଲ କୁମାର ବେଉରିଆ ଘଟଣାସ୍ଥଳରେ ପହଞ୍ଚି ପାରିପାର୍ଶ୍ୱିକ ସ୍ଥିତି ଉପରେ ଦୃଷ୍ଟି ଦେଇ ତଦନ୍ତ ପ୍ରକ୍ରିୟା ଆରମ୍ଭ କରିଥିବା ଜଣାପଡିଛି। ଏହି ଝୁଲନ୍ତା ମୃତଦେହ ୧୨ ରୁ ୧୫ ଦିନର ହୋଇଥାଇପାରେ ବୋଲି ଏସଡିପିଓ ସୂଚନା ଦେଇଛନ୍ତି।