ପାଟଣା,୩ା୯(ସ୍ବ.ପ୍ର.): କେନ୍ଦୁଝର ଜିଲା ସଦର ବ୍ଲକ କାଠବାରୀ ପଞ୍ଚାୟତ ଜଗନ୍ନାଥପୁର ବୁଢାବଣରେ ବୁଧବାର ଅପରାହ୍ନରେ ଏକ ଜଘନ୍ୟ ହତ୍ୟାକାଣ୍ଡ ଘଟିଥିଲା। ଘଟଗାଁ ଥାନା ଢେଙ୍କିକୋଟ ଫାଣ୍ଡି ଅନ୍ତର୍ଗତ ତୋରାଣୀ ପୋଖରୀ ପଞ୍ଚାୟତ ଦାରିକାପଶି ସାପ୍ତାହିକ ହାଟକୁ ଜଣେ ୫୦ ବର୍ଷୀୟା ମହିଳା ଜଗନ୍ନାଥପୁର ଗ୍ରାମର ସୁନାରାମ ମହାନ୍ତଙ୍କ ସ୍ତ୍ରୀ କେଶରୀ ସାପ୍ତାହିକ ହାଟକୁ ଲଙ୍କା ବିକ୍ରି କରିବା ପାଇଁ ଯାଉଥିବା ବେଳେ ରାସ୍ତାକଡ଼ ବୁଦାମୂଳରେ ଛକି ବସିଥିବା ଜଣେ ଦୁର୍ବୃତ୍ତ ହଠାତ୍ ବୁଦାରୁ ବାହାରି କେଶରୀଙ୍କ ମୁଣ୍ଡକୁ ଏକ ଟାଙ୍ଗିଆରେ ହାଣି ତାଙ୍କ ଶରୀରରୁ ଅଲଗା କରିଦେବା ପରେ କଟା ମୁଣ୍ଡକୁ ଧରି କୁଆଡ଼େ ଫେରାର ହୋଇ ଯାଇଥିଲେ। ଗୁରବାର କେଶରୀଙ୍କ କଟାମୁଣ୍ଡ ପାଟଣା ଥାନା କୁଆପଶି ଗାଁ ନିକଟ ଏକ ଜାମୁଗଛ ଡାଳରେ ବ୍ୟାଗରେ ଝୁଲୁଥିବା ଅବସ୍ଥାରେ ପୋଲିସ ଜବତ କରିବା ସହିତ ହତ୍ୟା ଘଟଣାରେ ସଂପୃକ୍ତ ବ୍ୟକ୍ତିଙ୍କୁ କୁଆପଶି ଗ୍ରାମର ନିଜ ପିଉସୀ ଘରେ ଆତ୍ମଗୋପନ କରିଥିବାବେଳେ ଉଠାଇ ନେଇଛି।