କଲମ୍ବୋ,୧୮।୫:ଶ୍ରୀଲଙ୍କାରେ ଏବେ ଘୋର ଆର୍ଥତ୍କ ସଙ୍କଟ ଦେଖାଦେଇଛି। ଦେଶକୁ ଏହି ସମୟରେ ବିଶ୍ୱ ବ୍ୟାଙ୍କ ସହାୟତାର ହାତ ବଢାଇଛି। ଶ୍ରୀଲଙ୍କା ପ୍ରଧାନମନ୍ତ୍ରୀ ରନିଲ ୱିକେରେସିଂଘେ ବୁଧବାର ସଂସଦରେ କହିଛନ୍ତି, ଦେଶ ବିଶ୍ୱ ବ୍ୟାଙ୍କରୁ ୧୬ କୋଟି ଡଲାର ସହାୟତା ପାଇଛି। ଅର୍ଥନୈତିକ ସଙ୍କଟ କାରଣରୁ ଦେଶରେ ଇନ୍ଧନ ଏବଂ ଗ୍ୟାସର ଅଭାବକୁ ଦୃଷ୍ଟିରେ ରଖି ଇନ୍ଧନ କିଣିବା ପାଇଁ ଏହି ଆର୍ଥିକ ସହାୟତାର କିଛି ଅଂଶ ବ୍ୟବହାର ହେବ କି ନାହିଁ ତାହା ଅନୁସନ୍ଧାନ କରାଯାଉଛି। ଭାରତଠାରୁ ରୁଣ ଆକାରରେ ପେଟ୍ରୋଲ ମେ ୨୯ ସୁଦ୍ଧା ପହଞ୍ଚିବାକୁ ଯାଉଛି।
ଶ୍ରୀଲଙ୍କାର ନବନିର୍ବାଚିତ ପ୍ରଧାନମନ୍ତ୍ରୀ ରନିଲ ରବିବାର ବିଶ୍ୱ ବ୍ୟାଙ୍କ ଏବଂ ଏସିଆନ ଡେଭଲପମେଣ୍ଟ ବ୍ୟାଙ୍କ (ଏଡିବି)ର ପ୍ରତିନିଧୀଙ୍କ ସହ ଦେଶର ସାଂପ୍ରତିକ ଆର୍ଥିକ ସଙ୍କଟ ଉପରେ ଆଲୋଚନା କରିଛନ୍ତି।
ସୂଚନାଯୋଗ୍ୟ,୧୯୪୮ମସିହା ସ୍ବାଧୀନତା ପରଠାରୁ ଶ୍ରୀଲଙ୍କା ସବୁଠାରୁ ଖରାପ ଆର୍ଥିକ ସଙ୍କଟ ଦେଇ ଗତି କରୁଛି। ଇନ୍ଧନ ଏବଂ ଗ୍ୟାସର ଅଭାବକୁ ବିରୋଧ କରି ବୁଧବାର ମଧ୍ୟ ଏଠାରେ ଅନେକ ରାସ୍ତା ଅବରୋଧ କରିଥିଲେ।
