ସାଧାରଣତଃ ପନିପରିବା ମୂଲ୍ୟ ମାଛ,ମାଂସ ମୂଲ୍ୟଠାରୁ କମ। ମାତ୍ର ବିଶ୍ୱରେ ଏପରି ଏକ ପରିବା ଅଛି, ଯାହା ଏତେ ମୂଲ୍ୟବାନ ଯେ, ବଡ଼ ଧନୀ ଲୋକମାନେ ମଧ୍ୟ ଏହାକୁ କିଣିବା ପୂର୍ବରୁ ୧୦ ଥର ଚିନ୍ତା କରିବେ। ଏହି ପରିବାର ମୂଲ୍ୟ କିଲୋଗ୍ରାମ ପ୍ରତି ୧୦୦୦ ୟୁରୋ, ଭାରତୀୟ ଟଙ୍କା ଅନୁଯାୟୀ ଏହା କିଲୋଗ୍ରାମ ପିଛା ପ୍ରାୟ ୮୨ ହଜାର ଟଙ୍କା। ବର୍ତ୍ତମାନ ଆପଣ ନିଶ୍ଚିତ ଭାବରେ ଭାବୁଥିବେ ଏହି ପରିବାରେ କ’ଣ ଅଛି, ଯେଉଁ କାରଣରୁ ଏହାର ମୂଲ୍ୟ ଆକାଶ ଛୁଆଁ। ତେବେ ଏହା ବିଷୟରେ ଜାଣନ୍ତୁ…
ଏହି ପରିବାର ହେଉଛି ‘ହପ୍ ଶୁଟ’ ଏବଂ ଏଥିରେ ଥିବା ଫୁଲକୁ ’ହପ୍ କୋନ୍ସ’ କୁହାଯାଏ। ବାସ୍ତବରେ, ଏହାର ଫୁଲ ବିୟର ତିଆରି ପାଇଁ ବ୍ୟବହୃତ ହେଉଥିବା ବେଳେ ବାକି ଡାଳଗୁଡ଼ିକ ଖାଦ୍ୟ ଭାବରେ ବ୍ୟବହୃତ ହୁଏ। ମହଙ୍ଗା ହେତୁ ଏହି ପନିପରିବା ବଜାର କିମ୍ବା ଷ୍ଟୋରରେ କ୍ୱଚିତ୍ ଦେଖାଯାଏ।
ଏହା ଔଷଧୀୟ ଗୁଣରେ ଭରପୂର। ତେଣୁ ଏହାକୁ ଏକ ଔଷଧ ଭାବରେ ମଧ୍ୟ ବ୍ୟବହାର କରାଯାଏ। ଦାନ୍ତ ଲାଗି ବେଶି ଉପକାରୀ। ଏହା ବ୍ୟତୀତ ଏହା ଯକ୍ଷ୍ମା ପରି ଗୁରୁତର ରୋଗର ଚିକିତ୍ସାରେ ମଧ୍ୟ ବ୍ୟବହୃତ ହୁଏ। ଏଥିରେ ଆଣ୍ଟିବାୟୋଟିକ ଗୁଣ ମଧ୍ୟ ଅଛି।
ଲୋକମାନେ କଞ୍ଚା ‘ହପ୍ ଶୁଟ’ ମଧ୍ୟ ଖାଆନ୍ତି। ଯଦିଓ ଏହା ବହୁତ ପିତା ଅଟେ। ଏହାର ଡାଳଗୁଡିକ ସାଲାଡ୍ ଭାବରେ ବ୍ୟବହୃତ ହୁଏ। ଏହାର ଆଚାର ମଧ୍ୟ ତିଆରି କରାଯାଇପାରେ, ଯାହା ସ୍ବାଦିଷ୍ଟ।
