କାବୁଲ,୧୨।୧୧: ଆଫଗାନିସ୍ତାନ କ୍ରିକେଟ ଦଳକୁ ଉଚ୍ଚ ସ୍ଥାନକୁ ନେବାରେ ମହମ୍ମଦ ନବି ଏକ ମହତ୍ୱପୂର୍ଣ ଅବଦାନ ରଖିଛି। କିନ୍ତୁ ହଠାତ୍ ସେ କ୍ରିକେଟ୍କୁ ଅଲବିଦା କହିଛନ୍ତି। ସେ କହିଛନ୍ତି,ଚାମ୍ପିଅନ୍ସ ଟ୍ରଫି ୨୦୨୫ ପରେ ସେ ଦିନିକିଆ କ୍ରିକେଟରୁ ଅବସର ନେବାକୁ ଯାଉଛନ୍ତି। ତିନି ମ୍ୟାଚ ବିଶିଷ୍ଟ ଦିନିକିଆ ସିରିଜରେ ଆଫଗାନିସ୍ତାନ ବାଂଲାଦେଶକୁ ୨-୧ରେ ପରାସ୍ତ କରିଛି। ସିରିଜର ଶେଷ ମ୍ୟାଚରେ ଆଫଗାନିସ୍ତାନର ୫ ଉଇକେଟ ଜିତିବା ପରେ ନବି ଏହି ଅବସର ଘୋଷଣା କରି ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲେ।
ଏହି ସିରିଜରେ ବ୍ୟାଟିଂ କରୁଥିବାବେଳେ ମହମ୍ମଦ ନବି ୧୩୫ ରନ ସ୍କୋର କରିଥିଲେ। ତାଙ୍କର ସର୍ବାଧିକ ସ୍କୋର ୮୪ ରନ ଥିଲା। ଏହା ବ୍ୟତୀତ ସେ ବୋଲିଂରେ ଦୁଇଟି ଉଇକେଟ ନେଇଥିଲେ, ଏହି ପ୍ରଦର୍ଶନ ପାଇଁ ସେ ପ୍ଲେୟାର ଅଫ ଦି ସିରିଜ ହୋଇଥିଲେ। ପୁରସ୍କାର ଗ୍ରହଣ କରି ମହମ୍ମଦ ନବି କହିଛନ୍ତି, ମୁଁ ଗତ ବିଶ୍ୱକପ ପରେ ଅବସର ନେବାକୁ ନିଷ୍ପତ୍ତି ନେଇଥିଲି, କିନ୍ତୁ ତା’ପରେ ଆମେ ଚାମ୍ପିଅନ୍ସ ଟ୍ରଫି ପାଇଁ ଯୋଗ୍ୟତା ଅର୍ଜନ କରିଥିଲୁ। ମୁଁ ଅନୁଭବ କଲି ଯେ ମୁଁ ଏହି ଟୁର୍ନାମେଣ୍ଟରେ ଖେଳିପାରେ।
ମହମ୍ମଦ ନବୀ ୨୦୦୯ରୁ ଆଫଗାନିସ୍ତାନ ପାଇଁ ଖେଳୁଛନ୍ତି। ତାଙ୍କର ପ୍ରାୟ ଦେଢ ଼ ଦଶନ୍ଧି କ୍ୟାରିୟରରେ ସେ ଏପର୍ଯ୍ୟନ୍ତ ୧୬୭ ଟି ଦିନିକିଆ ମ୍ୟାଚରେ ନିଜ ଦେଶକୁ ପ୍ରତିନିଧିତ୍ୱ କରିଛନ୍ତି। ଏହି ଅବଧିରେ ସେ ବ୍ୟାଟିଂରେ ୩,୫୦୦ ରନ ଏବଂ ବୋଲିଂରେ ୧୭୨ ଉଇକେଟ ନେଇଛନ୍ତି। ନବି ବର୍ତ୍ତମାନ ଦିନିକିଆ କ୍ରିକେଟରେ ବିଶ୍ୱର ନମ୍ବର -୧ ଅଲରାଉଣ୍ଡର ଖେଳାଳି।