ତୁର୍କୀର ସୁଲତାନ କୋସେନ ବିଶ୍ୱର ସବୁଠୁ ଡେଙ୍ଗା ବ୍ୟକ୍ତି ଭାବେ ଜଣାଶୁଣା। ଏବେ ସେ ତାଙ୍କ ପାଇଁ କନ୍ୟା ଖୋଜୁଛନ୍ତି। ଏଥିପାଇଁ ସେ ତୁର୍କୀରୁ ରୁଷିଆରେ ଯାଇ ପହଞ୍ଚିଛନ୍ତି। ତାଙ୍କ କହିବା କଥା ଏବେ ସେ ସାଥୀରେ କନ୍ୟା ନେଇ ଘରକୁ ଫେରିବେ।
୩୯ ବର୍ଷୀୟ ସୁଲତାନଙ୍କ ଉଚ୍ଚତା ୮ ଫୁଟ ୩ ଇଞ୍ଚ। ତାଙ୍କ ନାମ ଗିନିଜ୍ ଓ୍ବାଲର୍ଡ ରେକର୍ଡରେ ସ୍ଥାନ ପାଇଛି। ଯେ କି ବିଶ୍ୱର ସବୁଠୁ ଲମ୍ବା ବ୍ୟକ୍ତି ଭାବରେ ପରିଗଣିତ। ଏବେ ସେ ନିଜ ପାଇଁ ହଜାର ହଜାର କିଲୋମିଟର ଆସି ଜୀବନସାଥୀ ଖୋଜୁଛନ୍ତି।
ସୁଲତାନ ପୂର୍ବରୁ ବିବାହ କରିଥିଲେ। ତାଙ୍କ ପ୍ରଥମ ସ୍ତ୍ରୀ ସିରିଆର ମର୍ବ ଡିବୋ। ତାଙ୍କଠାରୁ ସେ ଛାଡ଼ପତ୍ର ନେଇ ସାରିଛନ୍ତି। ତାଙ୍କ ପ୍ରଥମ ସ୍ତ୍ରୀଙ୍କ ଉଚ୍ଚତା ୫ ଫୁଟ ୯ ଇଞ୍ଚ। ସେ ସୁଲତାନଙ୍କଠାରୁ ୧୦ ବର୍ଷ ସାନ। ଏବେ ସୁଲତାନ ନୂଆ କନ୍ୟା ଖୋଜୁଛନ୍ତି। ଯେମିତିକି ତାଙ୍କ ସହ ଉଚ୍ଚତା ଏବଂ ହୃଦୟ ମେଳ ଖାଉଥିବ।
ସୁଲତାନ କୁହନ୍ତି, ତାଙ୍କ ପ୍ରଥମ ସ୍ତ୍ରୀ ଆରବୀ ଭାଷା କହୁଥିଲେ। କେବେ ବି ତୁର୍କୀ ଭାଷା କୁହନ୍ତି ନାହିଁ। ତେଣୁ ଏଥିରେ ତାଙ୍କୁ ସମସ୍ୟା ହେଲା। ଏମିତି କିଛି ଦିନ ଚଳିବା ପରେ ଉଭୟଙ୍କର ଛାଡ଼ପତ୍ର ହୋଇଥିଲା।
ସୁଲତାନଙ୍କୁ ଏକ ଟ୍ୟୁମର ହୋଇଥିଲା। ଏହି କାରଣରୁ ତାଙ୍କର ପିଟ୍ୟୁଟାରୀ ଗ୍ଲାଡ୍ ପ୍ରଭାବିତ ହୋଇଥିଲା। ତେଣୁ ତାଙ୍କ ଶରୀର ଆକାର କ୍ରମଶଃ ବଢ଼ି ଚାଲିଲା। ଏବେ ସୁଲତାନ ରୁଷିଆରେ ବିବାହ କରିବାକୁ ଚାହୁଁଛନ୍ତି। କାରଣ ସେ ଜାଣିଛନ୍ତି, ରୁଷିଆର ଯୁବତୀମାନେ ବହୁତ ସୁନ୍ଦର ଏବଂ ବହୁତ ସ୍ନେହ ଆଉ ଆଦର କରିଥାନ୍ତି। ତେଣୁ ସେ ରୁଷିଆ ଯୁବତୀଙ୍କୁ ବିବାହ କରିବାକୁ ଚାହୁଁଛନ୍ତି।
