ଭଦ୍ରକ,୩।୯(ସନାତନ ରାଉତ): ଭଦ୍ରକ ଜିଲା ଆଗରପଡ଼ା ଥାନା ଅଧୀନ ପାରାବନ୍ଧ ଆଦିବାସୀ ସାହିର ଜଣେ ଯୁବକଙ୍କର ପୋଖରୀରେ ବୁଡି ମତ୍ୟୁ ଘଟିଛି ।
ସୂଚନା ମୁତାବକ ଆଦିବାସୀ ସାହିର ବଟକୃଷ୍ଣ ମୁଣ୍ଡା (୪୮) ଶନିବାର ସନ୍ଧ୍ୟାରେ ଶୌଚ ହେବାପାଇଁ ନିକଟସ୍ଥ ଦୁର୍ଗା ମଣ୍ଡପ ପୋଖରୀକୁ ଯାଇଥିବା ବେଳେ ଅସାବଧାନତା ଯୋଗୁ ପାଦ ଖସିଯିବାରୁ ପୋଖରୀରେ ବୁଡି ଯାଇଥିବା ଅନୁମାନ କରାଯାଉଛି । ରାତି ପ୍ରାୟ ୯ ଟାରେ ପୋଖରୀରେ ମୃତଦେହ ଭାସୁଥିବାର ଲୋକେ ଦେଖି ପୋଲିସକୁ ଖବର ଦେଇଥିଲେ। ଆଗରପଡା ଥାନାଧିକାରୀ ଅମିତ କୁମାର ଭୂୟା ଘଟନସ୍ଥଳରେ ପହଞ୍ଚି ଦମକଳ ବାହିନୀ ଡକାଇ ମୃତଦେହକୁ ପୋଖରୀରୁ ଉଦ୍ଧାର କରିଥିଲେ। ଏକ ଅପମୃତ୍ୟୁ ମାମଲା ରୁଜୁ କରି ଆମ୍ବୁଲାନ୍ସ ଯୋଗେ ଭଦ୍ରକ ମୁଖ୍ୟ ଚିକିତ୍ସାଳୟକୁ ବ୍ୟବଚ୍ଛେଦ ପାଇଁ ପଠା ଯାଇଛି ।