ପ୍ରତିଦିନ ସୋସିଆଲ ମିଡିଆରେ ଅନେକ ଭିଡିଓ ଭାଇରାଲ ହେଉଛି। ବର୍ତ୍ତମାନ ସୋସିଆଲ ମିଡିଆରେ ଏପରି ଏକ ଭିଡିଓ ଭାଇରାଲ ହୋଇଛି ଯାହାକୁ ଦେଖିଲେ ଆପଣ ନିଶ୍ଚୟ ଆଶ୍ଚର୍ଯ୍ୟ ହୋଇଯିବେ। ବେକେ ବନ୍ୟା ପାଣିରେ ଜଣେ ଯୁବକ ବାଇକ ଚଲାଉଛନ୍ତି। ଆଜ୍ଞା ହଁ। ଦେଶୀ ଜୁଗାଡ କରି ସେ ଏପରି କୌଶଳ ଆପଣାଇଛନ୍ତି। ଏହି ଭିଡିଓଟି ବେଶ ଭାଇରାଲ ହେବାରେ ଲାଗିଛି।
ଭିଡିଓରେ ଦେଖାଯାଇଛି, ଜଣେ ବ୍ୟକ୍ତି ପାଣିରେ ବାଇକ ଚଲାଉଛନ୍ତି। ବାଇକର ପଛ ସିଟରେ ଅନ୍ୟ ଜଣେ ଯୁବକ ବସିଛନ୍ତି। ସବୁଠୁ ଆଶ୍ଚର୍ଯ୍ୟର କଥା ହେଲା ଉଭୟେ ପାଣିରେ ବୁଡୁ ନାହାନ୍ତି କି ବାଇକରୁ ପଡୁ ନାହାନ୍ତି। କାରଣ ସେମାନେ ଦେଶୀ ଜୁଗାଡ ମାଧ୍ୟମରେ ବାଇକ ସାଇଲେନ୍ସର ଓ ପେଟ୍ରୋଲ ଟାଙ୍କିକୁ ଉପରକୁ ଟେକି ଦେଇଛନ୍ତି। ଫଳରେ ସେଥିରେ ପାଣି ପଶି ପାରୁନାହିଁ। ଏକ ନୂଆ କୌଶଳ ବ୍ୟବହାର କରି ଉଭୟେ ପାଣିରେ ଆନନ୍ଦରେ ବାଇକ ଚଲାଉଛନ୍ତି। ଭିଡିଓଟିକୁ ଆଇଏଏସ ଅଫିସର ଅବନୀଶ ଶରଣ ନିଜ ଟୁଇଟରରେ ଶେୟାର କରିଛନ୍ତି। ସେ କ୍ୟାପସନରେ ଲେଖିଛନ୍ତି, ଏଭଳି କେବେ ବି ଦେଖିନାହିଁ, ଖୁବ ସୁନ୍ଦର ଜୁଗାଡ। ଏହି ଭିଡିଓକୁ ଅନେକ ଲୋକ ଲାଇକ କରିଥିବାବେଳେ ଅନେକ ଭିନ୍ନ ମତ ଦେଇଛନ୍ତି।