କେନ୍ଦୁଝର,୨୩ା୪(ସ୍ବ.ପ୍ର.): କେନ୍ଦୁଝର ଟାଉନ ପୋଲିସ ମୋଟର ସାଇକେଲ ଚୋରି ଅଭିଯୋଗରେ ଜଣେ ଯୁବକଙ୍କୁ ଗିରଫ କରି ଆଜି କୋର୍ଟ ଚାଲାଣ କରିଛି। କେନ୍ଦୁଝର ସହର ଗାୟତ୍ରୀ ମନ୍ଦିର ଲେନ୍ରେ ରହୁଥିବା ସନ୍ତୋଷ ବେହେରାଙ୍କ ଏକ ମୋଟରସାଇକେଲ ଓଡି-୦୯ ଏଫ୍ ୧୩୯୯ ତାଙ୍କ ଘର ସମ୍ମୁଖରୁ ଗତ ୨୪.୧୧.୨୦୨୧ରେ ଚୋରି ହୋଇଥିଲା। ଏ ନେଇ ସନ୍ତୋଷ ଟାଉନଥାନରେ ଏତଲା ଦେଇଥିଲେ। ପୋଲିସ କେସ୍ ନଂ.୪୬୪/୨୦୨୧ରେ ଏକ ମାମଲା ରୁଜୁ କରିଥିଲା। ଆଜି ଏହି ଘଟଣାରେ ଟାଉନ ପୋଲିସ ଚୋରି ମୋଟରସାଇକେଲ ସହ ମୁରଳଈ ପ୍ରଧାନ(୨୭)ଙ୍କୁ ଗିରଫ କରି କୋର୍ଟ ଚାଲାଣ କରିଛି। ଗିରଫ ଯୁବକଙ୍କ ଘର ଯାଜପୁର ଜିଲା କୋରେଇ ଥାନା ଅନ୍ତର୍ଗତ ପୂର୍ବକୋର୍ଟରେ ବୋଲି ଜଣାପଡ଼ିଛି। ଏହି ଘଟଣାରେ ଅଧିକ ତଦନ୍ତ ଚାଲିଥିବା ତଦନ୍ତକାରୀ ଅଧିକାରିଣୀ କ୍ଷଣପ୍ରଭା ନାୟକ ସୂଚନା ଦେଇଛନ୍ତି।