ବର୍ତ୍ତମାନ ସୋସିଆଲ ମିଡିଆରେ ବିଭିନ୍ନ ଦୁଃସାହସିକ କାର୍ଯ୍ୟର ଭିଡିଓ ଭାଇରାଲ ହେଉଛି। ସେହିଭଳି ଆଖି ଲାଖିଯିବା ପରି ଏକ ଭିଡିଓ ଏବେ ଭାଇରାଲ ହେବାରେ ଲାଗିଛି। ଯେଉଁଥିରେ ଜଣେ ଯୁବକ ଆକାଶରେ ଷ୍ଟଣ୍ଟ୍ କରୁଥିବା ଦେଖିବାକୁ ମିଳିଛି। ସେ ସାଇକେଲ୍ରେ ଏହି ଷ୍ଟଣ୍ଟ୍ କରିଛନ୍ତି। ଏହି ଭିଡିଓ ଦେଖି ସୋସିଆଲ ମିଡିଆ ବ୍ୟବହାରକାରୀମାନେ ଚକିତ ହୋଇ ଯୁବକଙ୍କୁ ପ୍ରଶଂସା କରିବାରେ ଲାଗିଛନ୍ତି।
ଭିଡିଓରେ ଯୁବକ ଜଣକ ଦ୍ରୁତଗତିରେ ଯାଇ ସାଇକେଲକୁ ପବନରେ ବାଉନ୍ସ କରୁଛନ୍ତି। ସାଇକେଲ ଚଳାଉଥିବା ଯୁବକଙ୍କର ସନ୍ତୁଳନ ଏପରି ଯେ ସେ ଟିକେ ବି ଲକ୍ଷ୍ୟଚ୍ୟୁତ ହୋଇନାହାନ୍ତି। ଅର୍ଥାତ୍ ପବନରୁ ନିରାପଦରେ ତଳକୁ ଓହ୍ଲାଇଛନ୍ତି। ଭିଡିଓଟି ଦେଖି ଆପଣ ଆଶ୍ଚର୍ଯ୍ୟ ହୋଇଯିବେ। ଯୁବକ ଜଣଙ୍କୁ ପ୍ରଶଂସା ନ କରି ରହିପାରିବେନି। ଖାଲି ଏତିକି ନୁହେଁ, ଏଥିରେ ମଧ୍ୟ ଦେଖିବାକୁ ମିଳିଛି ଯୁବକ ଜଣକ ରାସ୍ତା ପାର ହୋଇ ପାଚେରୀ ଉପରେ ଷ୍ଟଣ୍ଟ୍ କରୁଛନ୍ତି। ଏହି ସମୟରେ ଆଉ ଏକ ଛୋଟ ସାଇକେଲ୍ରେ ଜଣେ ଆସୁଥିଲେ। ଯୁବକ ଜଣକ ସତେ ଯେମିତି ତାଙ୍କୁ ପବନରେ ଉଡ଼ାଇ ଦେଇଥିଲେ।
ତାଙ୍କ ଷ୍ଟଣ୍ଟ୍ ଦେଖିଲେ ଲାଗିବ ଯେପରି ସେ ସାଇକେଲ ସହ ସିଧା ଆକାଶରୁ ତଳକୁ ଖସି ପଡ଼ିଯିବେ। ମାତ୍ର ସେପରି ଜମା ନୁହେଁ, ସେ ସାଇକେଲ ହ୍ୟାଣ୍ଡେଲକୁ ପବନରେ ଫୋଲ୍ଡ କରି ଏକ ଘର ପାଚେରୀରେ ରଖି ଓହ୍ଲାଉଥିବା ଦେଖିବାକୁ ମିଳିଛି। ଏହି ଭିଡିଓଟି ମାତ୍ର ୭ ସେକେଣ୍ଡର ହୋଇଥିବା ବେଳେ CCTV Eidts ନାମକ ଜଣେ ୟୁଜର ଏହାକୁ ଟୁଇଟରରେ ଶେୟାର କରିଛନ୍ତି। ଭିଡିଓରେ ଯୁବକ ଜଣକ ବଡ଼ ବଡ଼ କୋଠାରେ ଷ୍ଟଣ୍ଟ ମାରୁଥିବା ନଜର ଆସିଛନ୍ତି।