ରାୟଗଡ଼ା ଅଫିସ,୧ା୯: ରାୟଗଡ଼ା କପିଳାସ ରୋଡ୍ରେ ଏକ ବୀଭତ୍ସ ହତ୍ୟାକାଣ୍ଡ ଘଟିଛି। ଜଣେ ଯୁବକଙ୍କୁ ପିଟିପିଟି ହତ୍ୟା କରାଯାଇଛି। ବୁଧବାର ସକାଳେ ଯୁବକଙ୍କ ମୃତଦେହ କପିଳାସ ରୋଡସ୍ଥିତ ଏକ ଘରୁ ଜବତ ହୋଇଛି। ମୃତକ ଜଣଙ୍କ ହେଉଛନ୍ତି ୨୫ ବର୍ଷୀୟ ବି. ରାଜୁ। ମଙ୍ଗଳବାର ରାତିରେ ରାଜୁଙ୍କ ଏକ ଝଗଡ଼ା ହୋଇଥିଲା। ଏହି ମାମଲାରେ ଅଟକ ଥିବା ଯୁବକଙ୍କ ବୟାନ ଅନୁଯାୟୀ, ପରକିୟା ପ୍ରୀତି ଯୋଗୁ ଝଗଡ଼ା ସୃଷ୍ଟି ହୋଇଥିଲା। ଏହାପରେ କିଛି ଜଣ ମିଳିତ ଭାବେ ରାଜୁଙ୍କ ଉପରେ ଆକ୍ରମଣ କରିଥିଲେ। ଆକ୍ରମଣ ପରେ ରାଜୁଙ୍କ ମୃତ୍ୟୁ ହୋଇଥିଲା। ଖବରପାଇ ପୋଲିସ ପହଞ୍ଚି ତଦନ୍ତ ଜାରି ରଖିଛି। ସନ୍ଧାନୀ କୁକୁର ଓ ସାଇଣ୍ଟିଫିକ୍ ଟିମ୍ ସହାୟତାରେ ପୋଲିସ ତଦନ୍ତ କରୁଛି। ତେବେ ଅନ୍ୟ କେଉଁମାନେ ଘଟଣାରେ ଜଡ଼ିତ ରହିଛନ୍ତି ତାହା ମଧ୍ୟ ଅନୁସନ୍ଧାନ କରୁଛି ପୋଲିସ।
