ପାଇକମାଳ,୬ା୧(ବଡ଼ ଶତପଥୀ): ବରଗଡ଼ ଜିଲା ପାଇକମାଳରୁ ୮କିଲୋମିଟର ଦୂର ଚୂହାପାଲିଠାରେ ସୋମବାର ଘଟିଛି ଏକ ମର୍ମନ୍ତୁଦ ଦୁର୍ଘଟଣା। ଗୋଟିଏ ଧାନବସ୍ତା ଲୋଡିଂ ଟ୍ରକ୍ ବ୍ରିଜ୍ ଅତିକ୍ରମ କରି ଚୂହାପାଲିଠାରେ ଜଣେ ୧୮ ବର୍ଷର ଯୁବକଙ୍କୁ ଧକ୍କା ଦେଇ ପଳାଇଯାଉ ଥିବା ବେଳେ ଗ୍ରାମବାସୀ ଟ୍ରକ୍ ନମ୍ବର ୧୫ ସି ୧୨୯୪କୁ ଅଟକ ରଖି ଜଗିଛନ୍ତି।
ଘଟଣାସ୍ଥଳରେ ରାଜେଶ କୁମ୍ଭାର (୧୮)ଙ୍କର ମୃତ୍ୟୁ ଘଟିଛି। ଘଟଣାଟି ଆଜି ଅପରାହ୍ନରେ ହୋଇଛି ବୋଲି ମୃତକଙ୍କ ପିତା ବାସୁଦେବ କୁମ୍ଭାର ଜଣାଇଛନ୍ତି। ତେବେ ଟ୍ରକ୍ଟି ପଦ୍ମପୁରର ଅଟେ ବୋଲି ଲୋକେ କହୁଛନ୍ତି। ଟ୍ରକ୍ରେ ବିନ୍ଧ୍ୟବାସିନୀ ରୋଡ୍ ଲେଖାହୋଇଛି। ପାଇକମାଳ ପୋଲିସ ଘଟଣାସ୍ଥଳରେ ପହଞ୍ଚି ଅନୁସନ୍ଧାନ ଜାରିରଖିଛି।
