ବିହାରର ଛପରାରେ ଜଣେ ଯୁବକଙ୍କୁ ଷଣ୍ଢ ସହ ଖେଳିବା ମହଙ୍ଗା ପଡ଼ିଛି। ଘର ବାହାରେ ଠିଆ ହୋଇଥିବା ଏକ ଷଣ୍ଢର ଶିଙ୍ଘକୁ ଯୁବକ ଜଣକ ଧରିଥିଲେ। କେତେଥର ଷଣ୍ଢଟି ଶିଙ୍ଘ ହଲାଇ ଯୁବକଙ୍କୁ ଦୂରେଇ ଦେଉଥାଏ। ମାତ୍ର ଯୁବକ ଜଣକ ବାରମ୍ବାର ଷଣ୍ଢର ଶିଙ୍ଘକୁ ଧରୁଥାନ୍ତି। ଶେଷରେ ଷଣ୍ଢଟି ଏତେ ରାଗିଗଲା ଯେ, ଯୁବକଙ୍କୁ ଶିଙ୍ଘରେ ଧରି ଭୂମିରେ କଚାଡ଼ି ଦେଲା।
ଏହି ଘଟଣାର କେହି ଭିଡିଓ ପ୍ରସ୍ତୁତ କରି ସୋସିଆଲ ମିଡିଆରେ ଭାଇରାଲ କରି ଦେଇଛନ୍ତି। ଭାଇରାଲ ହୋଇଥିବା ଏହି ଭିଡିଓଟି ଅଗଷ୍ଟ ୩ରେ ଶେୟାର କରାଯାଇଥିଲା। ଏଠାକାର ଲୋକେ କୁହନ୍ତି, ଷଣ୍ଢଟି ଏହି ଅଞ୍ଚଳରେ ସବୁବେଳେ ବୁଲାବୁଲି କରୁଥାଏ। ଲୋକେ ତାକୁ ଖାଇବା ପିଇବାକୁ ଦେଇଥାନ୍ତି। ସେ କାହାର କିଛି କ୍ଷତି କରେ ନାହିଁ। ମାତ୍ର ଏହି ଯୁବକ ଜଣଙ୍କ ଷଣ୍ଢକୁ ଭୀଷଣ ରଗାଇ ଦେଇଥିବାରୁ ସେ ଆକ୍ରମଣାତ୍ମକ ହୋଇ ତାଙ୍କୁ କଚାଡ଼ି ଦେଇଛି। ତେଣୁ ଜୀବଜନ୍ତୁଙ୍କ ସହ ଖେଳିବା ଆଦୌ ଉଚିତ୍ ନୁହେଁ।