ଆଜିକାଲି ଲୋକଙ୍କ ମଧ୍ୟରେ ସେଲ୍ଫି ନେବା କ୍ରେଜ୍ ବଢୁଛି। ଲୋକମାନେ ଯେକୌଣସି ପରିସ୍ଥିତିରେ ସେଲ୍ଫି ନେବାକୁ ଚାହିଁଥାନ୍ତି। ଏହି ସେଲ୍ଫି ନେବା ସମୟରେ ଅନେକ ଲୋକଙ୍କ ଜୀବନ ଯାଇଥିବା ମଧ୍ୟ ଜାଣିବାକୁ ମିଳିଛି। ସେଲଫି ନେବା ସମୟରେ କିଏ ପାହାଡ଼ରୁ ଖସି ମୃତ୍ୟୁ ବରଣ କରିଛି ତ ଆଉ କେହି ଚଳନ୍ତା ଟ୍ରେନ୍ ଉପରେ ଚଢ଼ି ସେଲ୍ଫି ନେଇ ମୃତ୍ୟୁବରଣ କରିଛି। ଏତେ ପରେ ମଧ୍ୟ ଲୋକଙ୍କ ମନରୁ ସେଲ୍ଫି ନେବା ନିଶା ଖସୁନି। ଏବେ ସେମିତି ଏକ ଭିଡିଓ ବହୁତ ଭାଇରାଲ ହେବାରେ ଲାଗିଛି, ଯାହାକୁ ଦେଖି ଆପଣ ହସିହସି ଗଡ଼ିବେ।
ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଭିଡିଓଟି କେଦାରନାଥରେ। ଏଠାରେ ଥିବା ହେଲିପ୍ୟାଡ୍ ନିକଟରେ ଜଣେ ଯୁବକ ହେଲିକପ୍ଟର ସହ ସେଲ୍ଫି ନେବାକୁ ଚାହୁଁଥିଲେ। ଏହା ପରେ ସୁରକ୍ଷା କର୍ମୀମାନେ ଯାହା କରିଥିଲେ, ଭିଡିଓ ଦେଖିଲେ ହସିବା ବନ୍ଦ କରି ପାରିବେ ନାହିଁ।
ହେଲିକପ୍ଟରଟି ଉଡ଼ାଣ କରିବା ସମୟରେ ଯୁବକ ସେଲ୍ଫି ନେଉଥିବା ନଜର ପଡ଼ିଲା। ଏହା ପରେ ପାଇଲଟ ହେଲିକପ୍ଟରକୁ ପଛକୁ କରିଥିଲେ। ଏହି ସମୟରେ ଜଣେ ସୁରକ୍ଷାକର୍ମୀ ଦୌଡ଼ି ଆସି ସେଲ୍ଫି ନେଉଥିବା ଯୁବକଙ୍କୁ ଚାପୁଡ଼ା ମାରି ତାଙ୍କୁ ଠେଲି ଦେଇଥିଲେ। ଏହା ପରେ ଯୁବକ ଜଣକ ସେଠାରୁ ଦୌଡ଼ିବାକୁ ଲାଗିଲେ। ହେଲିକପ୍ଟର ଟିକେ ଉପରକୁ ଉଡ଼ାଣ ପରେ ପରେ ସେ ଜାଣିପାରିଲେ ଯେ, ତାଙ୍କ ପଛରେ ଆଉ କିଛି ପୋଲିସ ଆସୁଛନ୍ତି।
ସେହି ଯୁବକ ଜଣକ ପଛକୁ ଦେଖିବା ମାତ୍ରେ ତାଙ୍କୁ ମାରିବା ପାଇଁ ଅଧିକ ସୁରକ୍ଷାକର୍ମୀ ଆସୁଥିଲେ। ଏହା ପରେ ସେଲ୍ଫି ନେଉଥିବା ଯୁବକ ଖୁବ୍ ଜୋର୍ରେ ଦୌଡ଼ିବାକୁ ଲାଗିଲେ, ସେ ଦୌଡ଼ି ପଳାଉଥିବା ବେଳେ ପୋଲିସ ତାଙ୍କୁ ଧରି ନିସ୍ତୁକ ପିଟିଥିଲା। ଜଣକ ପରେ ଗୋଟିଏ ସୁରକ୍ଷାକର୍ମୀ ତାଙ୍କୁ ପିଟି ପିଟି ଚାଲିଯାଇଥିଲେ। ବିଚରା ଯୁବକ ଜଣକ କାନମୁଣ୍ଡ ଆଉଁସି ଘରକୁ ଫେରିଥିଲେ।