ବରୀ,୫ା୧୧(ଡି.ଏନ୍.ଏ.): ଯାଜପୁର ଜିଲା ଉଦୟନାଥପୁର ପଞ୍ଚାୟତସ୍ଥିତ କହରାଗଣ୍ଡ ଗ୍ରାମର ନିଶିକାନ୍ତ ମଲ୍ଲିକ (୨୪) ଓ ସାନ ଭାଇ ସୌଭାଗ୍ୟ ମଲ୍ଲିକ ଗତ ବୁଧବାର ନଦୀରେ ମାଛ ଧରୁଥିବା ବେଳେ ନିଶିକାନ୍ତଙ୍କୁ କୁମ୍ଭୀର ଟାଣି ନେଇଥିଲା। ଘଟଣାସ୍ଥଳରେ ଉପସ୍ଥିତ ଥିବା ସାନ ଭାଇ ସୌଭାଗ୍ୟଙ୍କଠାରୁ ଖବର ପାଇ ସ୍ଥାନୀୟ ଲୋକ ଓ ଅଗ୍ନିଶମ ବିଭାଗ ଖୋଜାଖୋଜି କରିବା ପରେ ଉଦ୍ଧାର ସମ୍ଭବ ହୋଇ ପାରି ନ ଥିଲା। ତେବେ ଆଜି ଅର୍ଥାତ୍ ଶୁକ୍ରବାର ସକାଳେ ଚିଙ୍ଗୁଡ଼ିଆ ନାଳର ଢିଅବାରିଙ୍ଗି ନିକଟରେ ଏକ ମୃତଦେହ ଭାସୁଥିବାର ଦେଖି ଗ୍ରାମବାସୀ ଉଦ୍ଧାର କରି ଉପରକୁ ଆଣିଥିଲେ। ଖବର ପାଇ ଉଦୟନାଥପୁର ପଞ୍ଚାୟତ ସରପଞ୍ଚଙ୍କ ପ୍ରତିନିଧି ପ୍ରସନ୍ନ ସାମଲ ଓ ପରିବାର ଲୋକ ଘଟଣାସ୍ଥଳରେ ପହଞ୍ଚି ମୃତ ନିଶିକାନ୍ତଙ୍କୁ ଚିହ୍ନଟ କରିଛନ୍ତି।
ତେବେ ମୃତଦେହ ଉଦ୍ଧାର ହୋଇଥିବା ସ୍ଥାନଟି ବିଞ୍ଝାରପୁର ଥାନା ଅଧୀନରେ ହୋଇଥିବାରୁ ଘଟଣାସ୍ଥଳରେ ବିଞ୍ଝାରପୁର ପୋଲିସ ପହଞ୍ଚି ଥିବା ସୂଚନା ମିଳିଛି।