କୋରାପୁଟ,୩୦ା୫(ସ୍ବ.ପ୍ର.): କୋରାପୁଟ-ଜୟପୁର ୨୬ ନଂ. ଜାତୀୟ ରାଜପଥର ବଗେଇପଦର ଛକ ନିକଟରେ ଜଣେ ଯୁବକଙ୍କ ଅର୍ଦ୍ଧଦଗ୍ଧ ମୃତଦେହ ଜବତ ହୋଇଛି। ମୃତକ ହେଲେ ଜୟପୁର ସହର ପାୱ୍ବାର ହାଉସ କଲୋନୀର ଅମୂଲ୍ୟ ତ୍ରିପାଠୀ। ସେ ଜୟନଗରରେ ଚୁଡି ବ୍ୟବସାୟ କରୁଥିଲେ। ମୃତକଙ୍କ ମୁଣ୍ଡକୁ ପଥରରେ ଛେଚି ହତ୍ୟା କରାଯାଇଛି। ପରେ ପ୍ରମାଣ ନଷ୍ଟ ପାଇଁ ହତ୍ୟାକାରୀମାନେ ପୋଡ଼ିଦେଇଥିବା ସନ୍ଦେହ କରାଯାଉଛି। ହତ୍ୟାକାଣ୍ଡରେ ଏକାଧିକ ଲୋକଙ୍କ ସମ୍ପୃକ୍ତି ଥାଇପାରେ ବୋଲି ଅତିରିକ୍ତ ଏସ୍ପି ଉତ୍କଳ କେଶରୀ ଦାଶ କହିଛନ୍ତି। ଘଟଣାସ୍ଥଳରୁ ମୃତକଙ୍କ ମୋବାଇଲକୁ ପୋଲିସ ଜବତ କରିଛି। ଏ ନେଇ କୋରାପୁଟ ସଦର ଥାନାରେ କେସ୍ ନଂ.୮୪/୨୨ରେ ମାମଲା ରୁଜୁ କରାଯାଇଛି।
