ପାଟଣା,୨୩ା୧୨(ସ୍ବ.ପ୍ର.): କେନ୍ଦୁଝର ଜିଲା ପାଟଣା ଥାନା ପୋଲିସ ଏକ ବାଇକ୍, ସ୍କୁଟି ଓ ମୋବାଇଲ ଚୋରି ଅଭିଯୋଗରେ ପଲାଣଘାଟି ଗ୍ରାମର ସୁଶାନ୍ତ ଲୋହାର(୨୨)ଙ୍କୁ ଗିରଫ କରିଛି।
ଅଭିଯୋଗ ଅନୁଯାୟୀ, ଡିସେମ୍ବର ୧୪ରେ ପାଟଣା ପିପିଳିଆ ରାସ୍ତାର ଗୁଲଦୀପଶି ଛକ ନିକଟ ଏକ ଦୋକାନ ନିକଟରୁ ଝାଟିପଡ଼ା ଗ୍ରାମର ବଳରାମ ବାରିକଙ୍କ ବାଇକ୍ ସହ ରବି ମୁଣ୍ଡାଙ୍କ ମୋବାଇଲକୁ ସୁଶାନ୍ତ ଚୋରି କରି ନେଇ ବାରଟଣିଆରେ ବିକ୍ରି ଉଦ୍ଦେଶ୍ୟରେ ଲୁଚାଇ ରଖିଥିଲେ। ଅନୁରୂପ ଭାବେ ଯାଜପୁର ରୋଡ୍ ଦାନଗଦୀ ଅଞ୍ଚଳରୁ ଏକ ସ୍କୁଟି ଚୋରି କରି ମଙ୍ଗଳପୁରରେ ଲୁଚାଇ ରଖିଥିଲେ। ସୁଶାନ୍ତଙ୍କୁ ବୁଧବାର ବାରଣିଆ ଗ୍ରାମରୁ ଗିରଫ କରାଯାଇଥିବା ବେଳେ ଗୁରୁବାର କୋର୍ଟ ଚାଲାଣ କରିଥିବା ଥାନାଧିକାରୀ ମନୋରଞ୍ଜନ ପ୍ରଧାନ କହିଛନ୍ତି।
