ମହାରାଷ୍ଟ୍ରରୁ ଏମିତି ଏକ ଭିଡିଓ ଭାଇରାଲ ହେଉଛି ଯାହାକୁ ଦେଖିଲେ ଭୟରେ ଦେହ ଥରି ଉଠିବ। ଭିଡିଓରେ ଜଣେ ଯୁବତୀ ଏକ ବିରାଟକାୟ ଅଜଗରକୁ ପାଣିକୁ ଉଦ୍ଧାର କରିବା ପାଇଁ କୂଅକୁ ଡେଇଁଥିଲେ। ସାପକୁ ଏକ ଅଖାରେ ପୂରାଇ ଉଦ୍ଧାର କରିଛନ୍ତି।
ବୁଲଢାପା ଜିଲାର ମେହକର ତହସିଲର ଏକ ଗାଁରେ ଏପରି ଘଟଣା ଦେଖିବାକୁ ମିଳିଛି। ଉତ୍ତମ ପାୟଧନ ନାମକ ଜଣେ କୃଷକଙ୍କ ଜମିରେ ଥିବା ଏକ କୂଅରେ ବଡ଼ ଅଜଗର ଥିବା ଜଣାପଡ଼ିଥିଲା। ଏତେ ବଡ଼ ସାପ ଦେଖି ଉତ୍ତମ ଭୟଭୀତ ହୋଇପଡ଼ିଥିଲେ। କେହି ଜଣେ ଉତ୍ତମକୁ ଏହି ଯୁବତୀଙ୍କ ନମ୍ବର ଦେଇଥିଲେ। ପରେ ଉତ୍ତର ଯୁବତୀଙ୍କୁ ଫୋନ୍ କରି ଡାକିଥିଲେ। ଘଟଣାସ୍ଥଳରେ ଯୁବତୀ ପହଞ୍ଚି ସାପକୁ ଉଦ୍ଧାର କରିବାକୁ କୂଅକୁ ଡେଇଁଥିଲେ। ଏକ ଅଖା ନେଇ ସାପକୁ ଅତି ସାବଧାନତାର ସହ ଧରିଥିଲେ। ଏହି ଦୃଶ୍ୟ ଦେଖିବା ପାଇଁ ଗ୍ରାମବାସୀ କୂଅ ନିକଟରେ ପ୍ରବଳ ଭିଡ଼ ଜମାଇଥିଲେ।