ବର୍ତ୍ତମାନ ଚାରିଆଡ଼େ ବର୍ଷା ହେଉଥିବାରୁ କଚ୍ଚା ରାସ୍ତାଗୁଡ଼ିକ କାଦୁଅ ହୋଇଯାଇଛି। ଏହି ରାସ୍ତାରେ ଯିବା ବେଳେ ଯଦି କେଉଁ ଗାଡ଼ି ଜୋର୍ରେ ଚାଲିଆସିଲା ତେବେ କଥା ସରିଲା। ସବୁ କାଦୁଅ ପାଣି ଛିଟା ଆପଣଙ୍କ ଉପରେ ପଡ଼ିବ ନିଶ୍ଚିତ।
ସୋସିଆଲ ମିଡିଆରେ ସେମିତି ଏକ ଭିଡିଓ ଭାଇରାଲ ହେଉଛି। ଏହି ଭିଡିଓରେ ଜଣେ ଯୁବତୀ କାଦୁଅ ରାସ୍ତାରେ ଯାଉଥିବା ଦେଖିବାକୁ ମିଳିଛି। ତାଙ୍କ ପଛରୁ ଏକ କାର୍ ଖୁବ୍ ଜୋର୍ରେ ଆସୁଛି। ଯୁବତୀ ଜଣକ ଏଥିରୁ ବର୍ତ୍ତିବା ପାଇଁ ଏକ ବଡ଼ ପଥର ହାତରେ ଧରି ଠିଆ ହୋଇଯାଉଛନ୍ତି। ଫଳରେ କାର୍ର ଗତି କମି ଯାଉଛି।
ଲୋକଙ୍କୁ ଏହି ଭିଡିଓଟି ଖୁବ୍ ପସନ୍ଦ ଆସିଛି। ଜଣେ ଜଣଙ୍କୁ ଶେୟାର କରିବାରେ ଲାଗିଛନ୍ତି।
ଏହି ଭିଡିଓଟିକୁ ଆଇପିଏସ୍ ଅଧିକାରୀ ରୂପିନ ଶର୍ମା ୧୬ ଜୁଲାଇରେ ଶେୟାର କରିଛନ୍ତି। ଏଥିରେ କ୍ୟାପଶନ ଲେଖିଛନ୍ତି, କମନ ସେନ୍ସ, ନିଜକୁ ବଞ୍ଚାଇବା ପାଇଁ ସହଜ ଉପାୟ। ଭିଡିଓଟିକୁ ବର୍ତ୍ତମାନ ସୁଦ୍ଧା ହଜାରେ ଲୋକ ଦେଖିସାରିଲେଣି। ଆଉ କେତେକ ୟୁଜର ନିଜ ନିଜ ପେଜ୍ରେ ଏହାକୁ ଶେୟାର ମଧ୍ୟ କରୁଛନ୍ତି।