ସରଣ୍ଡା,୧୪।୧୧(ଡି.ଏନ୍.ଏ.)- ବରଗଡ ଜିଲା ଅତାବିରା ଥାନା ଅନ୍ତର୍ଗତ ପାହାଡ଼ଶ୍ରୀଗୀଡା ଗ୍ରାମରେ ଶନିବାର ଏକ ହତ୍ୟାକାଣ୍ଡ ଘଟିଥିବା ନେଇ ଅଭିଯୋଗ ହୋଇଛି। ମୃତକ ହେଲେ ବରଗଡ଼ ଥାନା ବରଡୋଲ ଗାଁର ସୌକିଲାଲ ସେଠ(୫୮)।
ଅଭିଯୋଗ ଅନୁଯାୟୀ, ସୌକିଲାଲଙ୍କୁ ତାଙ୍କ ସାନ ପୁଅ ପ୍ରଦୀପ ଓ ତାଙ୍କ ସାଥି ଏକ ମୋଟର ସାଇକେଲରେ ଆଣି ପାହାଡ଼ଶ୍ରୀଗିଡାରେ ଥିବା ବଡ ପୁଅ ପ୍ରମୋଦଙ୍କ ଶ୍ୱଶୁର ଘରେ କଚାଡ଼ି ହତ୍ୟା କରି ଫେରାର ହୋଇଯାଇଥିଲେ। ଏନେଇ ପ୍ରମୋଦ ଅତାବିରା ଥାନାରେ ଅଭିଯୋଗ କରିଥିଲେ। ଅଭିଯୋଗ ପାଇବା ପରେ ପୋଲିସ ହତ୍ୟାକାଣ୍ଡ(ମାମଲା ନଂ-୨୭୧/୨୦୨୦)ରୁଜୁ କରି ତଦନ୍ତ ଜାରି ରଖିଥିବା ଆଇଆଇସି ପୁରୁଷୋତ୍ତମ ଭୋଇ ସୂଚନା ଦେଇଛନ୍ତି।