ସାରା ଦେଶରେ ବର୍ତ୍ତମାନ ବିବାହ ଋତୁ ଚାଲିଛ। ଏହି ସମୟରେ ବିହାରର ଚାପ୍ରାଠାରେ ଭିନ୍ନ ଏକ ବିବାହକୁ ନେଇ ଜୋର୍ଦାର ଚର୍ଚ୍ଚା। ଜଣେ ୭୦ ବର୍ଷୀୟ ବୃଦ୍ଧ ବରବେଶରେ ଏକ ଶଗଡ଼ରେ ବସି କନ୍ୟା ଆଣିବାକୁ ଗଲେ ସହର ସାରା ସମସ୍ତେ ତାଙ୍କୁ ବୁଲି ବୁଲି ଚାହିଁଲେ। ତାଙ୍କର ୭ ଝିଅ ଏବଂ ଗୋଟିଏ ପୁଅ। ପିଲାମାନେ ମଧ୍ୟ ସମସ୍ତେ ବରଯାତ୍ରୀରେ ବାହାରିଥିଲେ। ବ୍ୟାଣ୍ଡ ବାଜାର ତାଳେ ତାଳେ ବାପାଙ୍କ ବର ରୋଷଣୀକୁ ଖୁବ୍ ଉପଭୋଗ କରୁଥିବା ଦେଖିବାକୁ ମିଳିଥିଲା। ଏପରି ଅନନ୍ୟ ବିବାହ ଦେଖିବାକୁ ବହୁ ସଂଖ୍ୟକ ଲୋକ ଏକାଠି ହୋଇଥିଲେ।
ସୂଚନାନୁଯାୟୀ, ଗୁରୁବାର ଚାପ୍ରାଠାରେ ଏକ ନିଆରା ଶୋଭାଯାତ୍ରା ହୋଇଥିଲା। ଜଣେ ୭୦ ବର୍ଷ ବୃଦ୍ଧଙ୍କ ବର ଶୋଭାଯାତ୍ରାରେ ସମଗ୍ର ଗାଁ ଲୋକ ସାମିଲ ହୋଇଥିଲେ। ଏକମାର ଆମଦାଡ଼ି ନିବାସୀ ରାଜକୁମାର ସିଂ ୪୨ବର୍ଷ ପୂର୍ବେ ମେ’ ୫ରେ ବିବାହ କରିଥିଲେ। ଡୋଙ୍ଗା ହେଉଛି ଏକ ରୀତିନୀତି ଯେଉଁଥିରେ ସ୍ତ୍ରୀଙ୍କୁ ଦ୍ୱିତୀୟ ଥର ପାଇଁ ତାଙ୍କ ବାପଘରୁ ସ୍ବାମୀଙ୍କ ଘରକୁ ଯିବାକୁ ପଡ଼ିବ। ରାଜକୁମାର ସିଂ ଏବଂ ତାଙ୍କ ପିଲାମାନେ ଏହି ରୀତିନୀତିକୁ ସ୍ମରଣୀୟ କରିଥିଲେ, ଯାହାକୁ କେହି ଭୁଲି ପାରିବେ ନାହିଁ।
ରାଜକୁମାର ସିଂ ତାଙ୍କ ଗାଁରେ ଏକ ଅଟାକଳ ଚଲାନ୍ତି। ବହୁ ସଂଘର୍ଷ ପରେ ସେ ତାଙ୍କର ୭ ଝିଅଙ୍କୁ ବିହାର ପୋଲିସ ଏବଂ ଆର୍ମିରେ ଚାକିରି କରାଇଥିଲେ। ଏହା ସହିତ ପୁଅକୁ ଜଣେ ଇଞ୍ଜିନିୟର ବି କରାଇଛନ୍ତି। ପିଲାମାନଙ୍କ ଜିଦ୍ ଆଗରେ ରାଜକୁମାରଙ୍କୁ ଦ୍ୱିତୀୟ ବିବାହ କରିବାକୁ ପଡ଼ିଲା। ତାଙ୍କ ବିବାହ ଆଜି ଚାରିଆଡ଼େ ଚର୍ଚ୍ଚା।