ଭୋଗରାଇ,୨ା୧୦(ପ୍ରଦୀପ ଦାସ):ବାଲେଶ୍ୱର ଜିଲା ଭୋଗରାଇ ବ୍ଲକରେ ଏବେ ଚୋରି, ରାହାଜାନି, ଛିନ୍ତାଇ ଓ ଗୋଚାଲାଣ ବୃଦ୍ଧି ପାଉଥିବାରୁ ସାଧାରଣରେ ଉଦ୍ବେଗ ପ୍ରକାଶ ପାଇଛି। ଆନ୍ତଃରାଜ୍ୟ ଚୋର ଦଳ ଗଁା ଗଣ୍ଡା ଓ ମନ୍ଦିରରେ ପଶି ସୁନାଗହଣା, ଟଙ୍କା ଲୁଟ୍ କରି ଚମ୍ପଟ ମାରିବାରେ ସକ୍ଷମ ହେଉଛନ୍ତି।
ଅନୁଯାୟୀ, ଶନିବାର ରାତିରେ ଉତ୍ତର ଭୋଗରାଇର ବିଭିନ୍ନ ଅଞ୍ଚଳର ୩ ଠାକୁରାଣୀ ମନ୍ଦିରରୁ ଦୁର୍ବୃତ୍ତମାନେ ଲକ୍ଷାଧିକ ଟଙ୍କାର ସୁନା ଗହଣା ଲୁଟି ନେଇଛନ୍ତି। କମର୍ଦ୍ଦା ଥାନା ବାସୁଳିପାଟ ଗ୍ରାମର ମା’ ବାସୁଳୀ ଠାକୁରାଣୀ, ମହାଗବ ଗ୍ରାମର ମା’ ମଙ୍ଗଳା ଓ ଚାନ୍ଦ କୁସୁମୀ ଗ୍ରାମର ମା’ ତାରିଣୀ ଠାକୁରାଣୀ ମନ୍ଦିରରୁ ଠାକୁରାଣୀଙ୍କ ମୂର୍ତ୍ତିରୁ ଲକ୍ଷାଧିକ ଟଙ୍କାର ସୁନା ଗହଣା ଚୋରି ହୋଇଛି। କମର୍ଦ୍ଦା, ଭୋଗରାଇ ଓ ତାଳସାରୀ ମେରାଇନ ଥାନା ଥିବାବେଳେ ଦୁଇଟି ଫାଣ୍ଡି ରହିଛି। ତେବେ କର୍ମଚାରୀ ଅଭାବରୁ ସମ୍ବେଦନଶୀଳ ଅଞ୍ଚଳରେ ପାଟ୍ରୋଲିଂ ହୋଇପାରୁ ନ ଥିବାରୁ ଅସାମାଜିକ କାର୍ଯ୍ୟକଳାପ ବଢୁଥିବା ଅଭିଯୋଗ ହେଉଛି। ଚୋରି ହୋଇଥିବା ଅଞ୍ଚଳରେ କମର୍ଦ୍ଦା ପୋଲିସ ସନ୍ଧନୀ କୁକୁର ସହାୟତାରେ ତଦନ୍ତ ଜାରି ରଖିଛି।
ଜଳେଶ୍ୱର ଚନ୍ଦନେଶ୍ୱର ୫୭ ନଂ. ରାଜ୍ୟ ରାଜପଥ ନହରା ଶିବ ମନ୍ଦିର ପଶ୍ଚିମବଙ୍ଗରାସ୍ତାରୁ ପୋଲିସ ଗୋରୁ ଚାଲାଣ ବେଳେ ଦୁଇଟି ଟ୍ରକ୍ ଜବତ କରିଛି। ଏହି ଟ୍ରକ୍ରେ ଥିବା ୫୦ ଗୋରୁଙ୍କୁ ଉଦ୍ଧାର ପରେ ବାଲେଶ୍ୱର ବାମପଦା ଗୋଶାଳାକୁ ସ୍ଥାନାନ୍ତରିତ କରାଯାଇଛି। ଏହି ଘଟଣାରେ ପୋଲିସ ଜଣେ ଟ୍ରକ୍ ଡ୍ରାଇଭରଙ୍କୁ ଗିରଫ କରିଛି।