ଭବାନୀପାଟଣା,୨୮।୧: କଳାହାଣ୍ଡି ଜିଲା ନର୍ଲା ଥାନା ଅଧୀନ ଇନ୍ଦ୍ରମାଲ ଗ୍ରାମର ଜଣେ ବୃଦ୍ଧ ଦମ୍ପତିଙ୍କ ଘରୁ ଲକ୍ଷାଧିକ ଟଙ୍କା ସହ ସୁନା ଅଳଙ୍କାର ଚୋରି ହୋଇଥିବା ଅଭିଯୋଗ ହୋଇଛି। ସୂଚନା ଅନୁଯାୟୀ, ଗ୍ରାମର କାହ୍ନୁ ସାହୁ (୭୫) ଓ ତାଙ୍କ ସ୍ତ୍ରୀ ବୁଧବାର ରାତିରେ ଖାଇ ଶୋଇଥିଲେ। ବିଳମ୍ବିତ ରାତିରେ ଦୁର୍ବୃତ୍ତମାନେ ଘରେ ପଶି ଏକ ବାକ୍ସରେ ଥିବା ୧ ଲକ୍ଷ ଟଙ୍କା, ଏକ ଭରି ସୁନା ଅଳଙ୍କାର, ଜମିପଟ୍ଟା ଓ ବିଭିନ୍ନ କାଗଜାତକୁ ନେଇ ଫେରାର ହୋଇଯାଇଥିଲେ। ବରିଷ୍ଠି ନାଗରିକଙ୍କ ଘରୁ ଚୋରି ହେବା ନେଇ ଅଞ୍ଚଳରେ ଅସାନ୍ତ ବାତାବରଣ ଖେଳିଯାଇଛି। ପୋଲିସ ତୁରନ୍ତ ଅଭିଯୁକ୍ତମାନଙ୍କୁ ଗିରଫ କରିବାକୁ ଗ୍ରାମବାସୀ ଦାବି କରିଛନ୍ତି।
