ସମ୍ବଲପୁର,୨୮ା୫(ବ୍ୟୁରୋ): ଏହି ୩ ଚକିଆ ସାଇକେଲରେ ଆମ ସଂସାର ା ସକାଳ ସୂର୍ଯ୍ୟ ଉଦୟ ଠାରୁ ସନ୍ଧ୍ୟା ପର୍ଯ୍ୟନ୍ତ ପୁରା ପିଲା ଛୁଆ ଧରି ପରିବାର ଅଧିକ ସମୟ ସାଇକେଲରେ ବିତି ଯାଇଥାଏ। ସାଇକେଲରେ ପୁରା ପରିବାର ରୋଜଗାର ଅନ୍ବେଷଣରେ ବାହାରି ଯାଇଥାଉ। ବିଭିନ୍ନ ଜନଗହଳି ସ୍ଥାନକୁ ଯାଇ ଲୋକଙ୍କଠୁ ଖାଇବା ଓ ଆର୍ଥତ୍କ ସହଯୋଗ ଦେବାକୁ ହାତ ପାତିଥାଉ। ଅନେକ ବଦାନ୍ୟ ବ୍ୟକ୍ତି ମଧ୍ୟ ସହଯୋଗ କରନ୍ତି। ପରିବାରକୁ ଦୁଇମୁଠା ଖାଇବାକୁ ମିଳି ଯାଇଥାଏ। ହେଲେ ଖରା ବର୍ଷା ଶୀତ ଦାଉରୁ ରକ୍ଷା ପାଇବା ପାଇଁ ମୁଣ୍ଡରେ ଛାତ ଖଣ୍ଡିଏ ନାହିଁ। ଏଭଳି ପରିସ୍ଥିତିରେ ଘର କରିବା ଅସମ୍ଭବ। ତେଣୁ ସରକାରୀ ଯୋଜନାରେ ଘର ଖଣ୍ଡିଆ ଯୋଗାଇ ଦିଆଯାଉ ବୋଲି କହିଛନ୍ତି ଯୁଯୁମୁରା ବ୍ଳକ କୟାକୁଦ ଗ୍ରାମର ବୁଧୁରାମ ଶବର ା ବୁଧୁଙ୍କ କହିବା ଅନୁସାରେ ସେ ପିଲାଦିନରୁ ଦିବ୍ୟାଙ୍ଗ। ବହୁକଷ୍ଟରେ ଜୀବନ କଟି ଯୁବାବସ୍ଥା ଅତିବାହିତ ହୋଇଥିଲା। ପରେ ସ୍ତ୍ରୀ ସମାରୀ ଜୀବନରେ ଆସିଥିଲେ ା ଯେତେ ଦୁଃଖକଷ୍ଟ ଥିଲା, ଅର୍ଦ୍ଧାଙ୍ଗୀନୀ ସବୁ ଭାଗ କରି ନେଲେ। ଏବେ ମଧ୍ୟ ପରିବାର ପ୍ରତିପୋଷଣ ଓ ଅନ୍ୟ ସବୁ ଦୁଃଖସୁଖରେ ସାଥି ହୋଇ ଛିଡା ହୋଇଛନ୍ତି। ୫ବର୍ଷର ଗୋଟିଏ ଝିଅ ଓ ଦୁଇ ବର୍ଷର ଗୋଟିଏ ପୁଅ। ବେଶ ଖୁସିରେ ପରିବାର। ହେଲେ ଆର୍ଥିକ ଅନଟନ ଏବେ ବଡ ସମସ୍ୟା ହୋଇ ଦେଖା ଦେଇଛି। ଦୁଇ ପିଲାଙ୍କୁ ନେଇ ଏହି ତିନି ଚକିଆ ସାଇକେଲରେ ମାଗିବାକୁ ନିକଟସ୍ଥ ଗ୍ରାମ ଓ ବଜାରକୁ ଯାଇଥାଉ। ପରିବାର ଦୁଃଖ ଦେଖିଲେ ଲୋକମାନେ ଟଙ୍କା ଓ ଖାଇବା ସାମଗ୍ରୀ ଦିଅନ୍ତି। ହାତରେ ପାଇଡେଲ ମାରିଥାଉ। ଥକା ନ ହେଲେ ସ୍ତ୍ରୀ ସମାରୀ ପଛପଟୁ ଠେଲି ସହଯୋଗ କରନ୍ତି। ସମାରୀ ସହ ଦୁଇପିଲା ସାଇକେଲରେ ବସି ରାସ୍ତାରେ ଯିବା ଆସିବା କରିଥାଉ। ସେସମୟରେ ବହୁତ ଖୁସି ଅନୁଭବ ହୋଇଥାଏ ା ବଡ ଗାଡି ଭାଗ୍ୟରେ ନାହିଁ ହେଲେ ଏହି ସାଇକେଲ ଆମ ପାଇଁ ଖୁସି। କିଛି ବର୍ଷ ପୂର୍ବରୁ ସରକାରୀ ସହାୟତା ମିଳିଥିଲା। ସାଇକେଲ ମରାମତି କରିବାକୁ କିଛି ସାମଗ୍ରୀ ଜିଲା ପ୍ରଶାସନ ପକ୍ଷରୁ ଯୋଗାଇ ଦିଆଯାଇଥିଲା। କୟାକୁଦ ଗ୍ରାମ ଛକ ରାସ୍ତା କଡରେ ବସଷ୍ଟପ ପାଖରେ ସାଇକେଲ ମରାମତି କରି ରୋଜଗାର କରୁଥିଲେ ା ହେଲେ ଜାତୀୟ ରାଜପଥ ପ୍ରଶସ୍ଥିକରଣ ସମୟରେ ଉକ୍ତ କୁଡିଆ ଦୋକାନ ଭାଙ୍ଗି ଦିଆଯାଇଥିଲା। ଏବେ ରୋଜଗାର କରିବାର ଏକମାତ୍ର ପନ୍ଥା ବନ୍ଦ ହୋଇଗଲା। ଦୁଇ ପିଲାଙ୍କୁ ସ୍ଥାନୀୟ ଅଙ୍ଗନୱାଡି କେନ୍ଦ୍ରରେ ନାମ ଲେଖାଇଛି। ସରକାରୀ ଯୋଜନାରେ ଭତ୍ତା ଓ ପିଡିଏସ ସାମଗ୍ରୀ ମିଳୁଛି। ହେଲେ ୪ ଜଣ ଏକ ମାସ ପାଇଁ ପେଟ ପୁରୁ ନାହିଁ। ତେଣୁ ଲୋକଙ୍କ ପାଖରୁ ସହାୟତା ମାଗିବାକୁ ପଡୁଛି। ଦିବ୍ୟାଙ୍ଗମାନଙ୍କ ପାଇଁ ସରକାରଙ୍କ ଅନେକ ଯୋଜନା ରହିଛି। କୌଣସି ଯୋଜନାରେ ସ୍ଥାୟୀ ରୋଜଗାର ବ୍ୟବସ୍ଥା ସୁବିଧା କରାଇଦେଲେ ଏଭଳି ଖରା ବର୍ଷା ଶୀତରେ ପିଲା ଛୁଆକୁ ନେଇ ମାଗି ଯିବାକୁ ପଡିବ ନାହିଁ । ସ୍ତ୍ରୀ ସମାରୀ ମଧ୍ୟ ବ୍ୟବସାୟରେ ସହଯୋଗ କରିପାରିବେ। ଦୁଇ ପିଲାଙ୍କୁ ପାଇଁ ଆମେ ବେଶ ଖୁସି ରହିଛୁ ା ହେଲେ ଆର୍ଥିକ ଅନଟନ ହେବା ଫଳରେ ପୁଇ ପିଲାଙ୍କୁ ଭଜ୍ଜଳ ଭବିଷ୍ୟତ ଦେଇ ପାରିବେ ନାହିଁ ା ତେଣୁ ପିଲାମାନଙ୍କ ପାଠପଢାରେ ମଧ୍ୟ ସହଯୋଗ କରିବାକୁ ଅନୁରୋଧ କରିଛନ୍ତି।