ଚମ୍ପୁଆ, ୬।୫(ଡି.ଏନ.ଏ.) କେନ୍ଦୁଝର ଜିଲା ଚମ୍ପୁଆ ବନାଞ୍ଚଳକୁ ପୁଣି ଲେଉଟିଲେ ହାତୀ ପଲ। ୨ ଦିନ ହେବ ଏହି ହାତୀ ପଲ ଚମ୍ପୁଆ ଓ ଉଖୁଣ୍ଡା ସେକ୍ସନ ଅଞ୍ଚଳରେ ଘୁରିବୁଲୁଥିବା ବେଳେ ବନ ବିଭାଗ ପକ୍ଷରୁ ନଜର ରଖାଯାଇଛି। ବର୍ତ୍ତମାନ ଚମ୍ପୁଆ ସେକ୍ସନରେ ୧୭ ଗୋଟି ହାତୀ ରହିଥିବା ବେଳେ ଏହି ପଲରେ କେତୋଟି ଛୁଆ ରହିଥିବା ବନବିଭାଗ ସୂଚନା ଦେଇଛି। ଗତ ମଙ୍ଗଳବାର ରାତିରେ ଏହି ହାତୀ ପଲ ଉଖୁଣ୍ଡା ସେକ୍ସନକୁ ଫେରିଯାଇଥିବା ବେଳେ ସକାଳୁ ପୁଣି ଚମ୍ପୁଆ ସେକ୍ସନକୁ ଫେରି ସରେଇ ନିକଟ ଟୁଣୁଟୁଣା ଆମ୍ବ ବାଗାନରେ ରହିଥିବା ଦେଖିବାକୁ ମିଳିଛି। ବନ ବିଭାଗର ହାତୀସ୍କ୍ବାଡ ହାତୀ ମାନଙ୍କ ଉପରେ ତିକ୍ଷ୍ଣ ନଜର ରଖିଥିବା ରେଞ୍ଜର ସଞ୍ଜୀବ କୁମାର ରାଉତ ସୂଚନା ଦେଇଛନ୍ତି।