ମାଲକାନଗିରି,୨୫।୧(ଡି.ଏନ.ଏ.): ମାଲକାନଗିରି ଜିଲା ସଦର ମହକୁମାସ୍ଥିତ ସଂସ୍କୃତି ଭବନଠାରେ ଜିଲାସ୍ତରୀୟ ଜାତୀୟ ଶିଶୁ କନ୍ୟା ଦିବସ ମଙ୍ଗଳବାର ପାଳିତ ହୋଇଯାଇଛି ା ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଅତିରିକ୍ତ ଆରକ୍ଷୀ ଅଧୀକ୍ଷକ ବଳଭଦ୍ର ଦିପ୍ ଯୋଗ ଦେଇଥିଲେ। ଦେଶରେ ଦିନକୁ ଦିନ କନ୍ୟା ଭୃଣ ହତ୍ୟା ସହ ଝିଅପୁଅଙ୍କ ମଧ୍ୟରେ ଭେଦଭାବ ବଢିବାରେ ଲାଗିଛି ା ଏହାକୁ ରୋକିବା ପାଇଁ ସଚେତନତା ସୃଷ୍ଟି ଉପରେ ଆଲୋଚନା ହୋଇଥିଲା ା କାର୍ଯ୍ୟକ୍ରମରେ ବିଭିନ୍ନ ବିଦ୍ୟାଳୟ ଓ ମହାବିଦ୍ୟାଳୟରୁ ଅନେକ ଛାତ୍ରୀ ଯୋଗ ଦେଇଥିଲେ ା ଛାତ୍ରୀମାନଙ୍କ ମଧ୍ୟରେ ଦୌଡି ଡିଆଁ, ଭକ୍ତି ସଙ୍ଗୀତ, ପୁଚି ଭଳି ଅନେକ କ୍ରୀଡା ପ୍ରତିଯୋଗିତା ହୋଇ କୃତୀ ପ୍ରତିଯୋଗୀଙ୍କୁ ପୁରସ୍କୃତ କରାଯାଇଥିଲା। ଏଥିସହ ୫ ଟି ପଞ୍ଚାୟତରେ ପୁଅ ଅପେକ୍ଷା ଝିଅ ସଂଖ୍ୟା ଅଧିକ ଥିବାରୁ ସେହି ପଞ୍ଚାୟତଗୁଡିକୁ ପୁରସ୍କୃତ କରାଯାଇଥିଲା ା ଅତିରିକ୍ତ ଜିଲାପାଳ ମହେଶ୍ୱର ନାୟକ , ସିଡିଏମଓ ପ୍ରଫୁଲ ନନ୍ଦ, ଡି.ଡବ୍ଲ୍ୟୁଓ କୃପାସନ୍ଧୁ ବେହେରା, ଜିଲା ଶିଶୁ ସୁରକ୍ଷା ଅଧିକାରୀ ନାରାୟଣ ଦାସଙ୍କ ସହ ଅନେକ ଅଧିକାରୀ ଉପସ୍ଥିତ ଥିଲେ ା