ନୂଆଦିଲ୍ଲୀ,୧୧।୩: ଦେଶରେ ଭିକାରଙ୍କ ସଂଖ୍ୟା ବଢ଼ିବାରେ ଲାଗିଛି। ସମ୍ପ୍ରତି ଦେଶରେ ୪ ଲକ୍ଷରୁ ଅଧିକ ଭିକାରି ରହିଛନ୍ତି। ସେମାନଙ୍କ ମଧ୍ୟରୁ ପଶ୍ଚିମବଙ୍ଗରେ ସର୍ବାଧିକ ୮୧ ହଜାର ୨୪୪ ଜଣ ଭିକାର ରହିଛନ୍ତି। ଲାକ୍ଷାଦ୍ୱୀପରେ ସର୍ବନିମ୍ନ ୨ ଜଣ ଭିକାରି ଅଛନ୍ତି। କେନ୍ଦ୍ରୀୟ ସାମାଜିକ ନ୍ୟାୟ ମନ୍ତ୍ରୀ ଥାଓ୍ବର ଚାନ୍ଦ ଗେହଲଟ୍ ଏସମ୍ପର୍କରେ ରାଜ୍ୟସଭାରେ ସୂଚନା ଦେଇଛନ୍ତି। ୨୦୧୧ ଜନଗଣନା ଅନୁସାରେ ଦେଶରେ ୪ ଲକ୍ଷ ୧୩ ହଜାର ୬୭୦ ଜଣ ଭିକାରି ଅଛନ୍ତି। ସେମାନଙ୍କ ମଧ୍ୟରେ ମହିଳା ଭିକାରିଙ୍କ ସଂଖ୍ୟା ୧ ଲକ୍ଷ ୯୧ ହଜାର ୯୯୭ ଥିବାବେଳେ ପୁରୁଷଙ୍କ ସଂଖ୍ୟା ୨ ଲକ୍ଷ ୨୧ ହଜାର ୬୭୩ ରହିଛି। ଭିକାରିଙ୍କ ସଂଖ୍ୟା ତାଲିକାରେ ପଶ୍ଚିମବଙ୍ଗ ପରେ ଦ୍ୱିତୀୟ ସ୍ଥାନରେ ଉତ୍ତରପ୍ରଦେଶ ରହିଛି। ଏଠାରେ ୬୫ ହଜାର ୮୩୫ ଜଣ ଭିକାରି ଅଛନ୍ତି। ସେହିପରି ଆନ୍ଧ୍ରପ୍ରଦେଶରେ ୩୦ ହଜାର ୨୧୮, ବିହାରରେ ୨୯ ହଜାର ୭୨୩, ମଧ୍ୟପ୍ରଦେଶରେ ୨୮ ହଜାର ୬୯୫, ରାଜସ୍ଥାନରେ ୨୫ ହଜାର ୮୫୩, ଦିଲ୍ଲୀରେ ୨ ହଜାର ୧୮୭, ଚଣ୍ଡିଗଡ଼ରେ ୧୨୧ ଜଣ ଭିକାରି ଅଛନ୍ତି। ଅପରପକ୍ଷରେ ଦାଦର ନଗର ହାଭେଲି, ଧାମନ-ଡିୟୁ ଏବଂ ଆଣ୍ଡାମାନ-ନିକୋବରରେ ଯଥାକ୍ରମେ ୧୯, ୨୨ ଏବଂ ୫୬ ଜଣ ଭିକାରି ରହିଥିବା କେନ୍ଦ୍ରୀୟ ମନ୍ତ୍ରୀ ପଚରାଯାଇଥିବା ଏକ ପ୍ରଶ୍ନରେ ଉତ୍ତରରେ ଏହି ସୂଚନା ପ୍ରଦାନ କରିଛନ୍ତି।
