ମଧ୍ୟ ଆଫ୍ରିକାର କଙ୍ଗୋରେ ଏକ ନୂଆ ପାହାଡ଼ର ସନ୍ଧାନ ମିଳିଛି। ଯେଉଁଥିରେ ୬୦ରୁ ୯୦ ପ୍ରତିଶତ ଭାଗ ସୁନାରେ ଭରିରହିଛି।
ଏକ ରିପୋର୍ଟ ଅନୁଯାୟୀ, ସ୍ଥାନୀୟ ଲୋକେ ଏବେ ପାହାଡ଼ ନିକଟରେ ପହଞ୍ଚି ସୁନା ବାହାର କରିବାରେ ଲାଗିଛି। ପାହାଡ଼ରୁ ସୁନା ଖୋଳିବା ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି। ଟୁଇଟରରେ ଜଣେ ଖବରଦାତା ଏକ ଭିଡିଓ ପୋଷ୍ଟ କରି କ୍ୟାପଶନ ଲେଖିଛନ୍ତି, ଗାଁରୁ ଏକ ସୁନାର ପାହାଡ଼ ମିଳିଛି। ଏଥିରେ ଗ୍ରାମବାସୀ ଆଶ୍ଚର୍ଯ୍ୟ ହୋଇଯାଇଛନ୍ତି।
ଜଣେ ସ୍ଥାନୀୟ ଅଧିକାରୀ କହିଛନ୍ତି, ଦେଶର କିଛି ଭାଗରେ ସୁନା ମହଜୁଦ ଥିବା ଖବର ମିଳିଛି। ବର୍ତ୍ତମାନ ଏହି ଖୋଳାରେ ରୋକ ଲଗାଯାଇଛି।