କେନ୍ଦୁଝର,୨୦ା୪ (ସ୍ବ.ପ୍ର.):କେନ୍ଦୁଝର ସଦର ବ୍ଲକ ଅନ୍ତର୍ଗତ ନୂଆଗାଁ ପଞ୍ଚାୟତ କେନ୍ଦୁପୋଶି ନିକଟବର୍ତ୍ତୀ ବିଲରେ ନିଆଁଲାଗି ୧ କିଲୋମିଟର ପର୍ଯ୍ୟନ୍ତ ନିଆଁ ବ୍ୟାପିଯାଇଛି। କୌଣସି ଦୁର୍ବୃତ୍ତ ବିଲରେ ପଡିଥିବା ପାଳଗଦାରେ ନିଆଁ ଲଗାଇଦେଇଥିବାରୁ ଅତ୍ୟାଧିକ ପବନ ବୋହିବାରୁ ରାସ୍ତା କଡ଼ରେ ଥିବା ଏକ ବ୍ରୋଏଲର କୁକୁଡ଼ା ଦୋକାନ ପର୍ଯ୍ୟନ୍ତ ନିଆଁ ମାଡିଯାଇଥିଲା। ଫଳରେ ଚାରିଆଡେ ଧୂଆଁମୟ ହୋଇଯାଇଥିଲା। କେନ୍ଦୁଝର ଅଗ୍ନିଶମ ବିଭାଗ କର୍ମଚାରୀମାନେ ଖବରପାଇ ଘଟଣାସ୍ଥଳରେ ପହଞ୍ଚି ପ୍ରାୟ ୨ ଘଣ୍ଟା ପରେ ନିଆଁକୁ ଆୟତ୍ତ କରିଥିଲେ।