ନୂଆଦିଲ୍ଲୀ,୨।୨: ରାଜସ୍ଥାନର ତିନୋଟି ଆସନରେ ହେବାକୁ ଥିବା ରାଜ୍ୟ ସଭା ନିର୍ବାଚନ ପାଇଁ ଭାଜପା ଓ କଂଗ୍ରେସ ବ୍ୟସ୍ତ ଅଛନ୍ତି। ଗୋଟିଏ ପଟେ ଯେଉଁଠି ଭାଜପା ପକ୍ଷରୁ ହାଇକମାଣ୍ଡ ନିଷ୍ପତ୍ତି ନେବେ। ଏଥର କଂଗ୍ରେସର ଏକ ନାମ ସମସ୍ତଙ୍କୁ ଆଶ୍ଚର୍ଯ୍ୟ କରିପାରେ। ଚର୍ଚ୍ଚା ହେଉଛି ଦଳର ପୂର୍ବତନ ଅଧ୍ୟକ୍ଷା ସୋନିଆ ଗାନ୍ଧୀ ଦଳର ପ୍ରାର୍ଥୀ ହୋଇପାରନ୍ତି କିମ୍ବା ତାଙ୍କ ବ୍ୟତୀତ ଅନ୍ୟ କୌଣସି ଭେଟେରାନ ନେତା ରାଜସ୍ଥାନରୁ ଉପର ଗୃହକୁ ଯିବେ।
ସୂଚନାଯୋଗ୍ୟ, ୯୨ ବର୍ଷ ବୟସ୍କ ପୂର୍ବତନ ପ୍ରଧାନମନ୍ତ୍ରୀ ଡକ୍ଟର ମନମୋହନ ସିଂଙ୍କ ରାଜସ୍ଥାନରୁ ରାଜ୍ୟ ସଭା ଏମପି ଭାବରେ କାର୍ଯ୍ୟକାଳ ଶେଷ ହେବାକୁ ଯାଉଛି। କଂଗ୍ରେସ ସୂତ୍ର ଅନୁଯାୟୀ, ସ୍ବାସ୍ଥ୍ୟଗତ କାରଣ ଦର୍ଶାଇ ସେ ପୁନର୍ବାର ରାଜ୍ୟ ସଭା ନିର୍ବାଚନରେ ପ୍ରାର୍ଥୀ ନହେବାକୁ କଂଗ୍ରେସ ନେତୃତ୍ୱଙ୍କୁ ଜଣାଇଛନ୍ତି। ଦଳ ଏହି ଆସନରେ ଜଣେ ଭେଟେରାନ ନେତାଙ୍କୁ ଉପର ଗୃହକୁ ପଠାଇବାକୁ ଚିନ୍ତା କରୁଛି।
ଯଦି ମିଳିଥିବା ସୂଚନା ଗୁଡିକୁ ବିଶ୍ୱାସ କରାଯାଏ, ତେବେ ଏହି ତାଲିକାରେ ସୋନିଆ ଗାନ୍ଧୀଙ୍କ ନାମ ଆଗରେ ରହିଛି। ରାଜନୈତିକ ସମୀକରଣ ଆଧାରରେ ଦଳ ନିଷ୍ପତ୍ତି ନେବାକୁ ଚେଷ୍ଟା କରୁଛି କି ସୋନିଆ ଗାନ୍ଧୀଙ୍କୁ ହିମାଚଳ ପ୍ରଦେଶ କିମ୍ବା ରାଜସ୍ଥାନରୁ ପ୍ରାର୍ଥୀ କରାଯିବା ଉଚିତ କି। ଉତ୍ତର ପ୍ରଦେଶର ରାଏ ବରେଲି ଆସନରୁ ପ୍ରିୟଙ୍କା ଗାନ୍ଧୀଙ୍କୁ ମଇଦାନକୁ ଓହ୍ଲାଇବାକୁ ପ୍ରସ୍ତୁତି ଚାଲିଛି। ସୋନିଆ ଗାନ୍ଧୀଙ୍କ ସ୍ବାସ୍ଥ୍ୟଗତ କାରଣକୁ ଦୃଷ୍ଟିରେ ରଖି ଦଳ ତାଙ୍କୁ ଲୋକ ସଭା ନିର୍ବାଚନରେ ସ୍ଥାନ ଦେବା ପରିବର୍ତ୍ତେ ରାଜ୍ୟ ସଭା ନିର୍ବାଚନ ମାଧ୍ୟମରେ ଏମପି ଭାବରେ ରଖିବାକୁ ଇଚ୍ଛା ପ୍ରକାଶ କରିଛି।
ଏଠାରେ ତେଲଙ୍ଗାନା ମୁଖ୍ୟମନ୍ତ୍ରୀ ରଓ୍ବେନ୍ତ ରେଡ୍ଡୀ ସୋନିଆ ଗାନ୍ଧୀଙ୍କ ସମ୍ପର୍କରେ ଏକ ବିବୃତ୍ତି ଦେଇଛନ୍ତି ଯେ ସେ ତେଲଙ୍ଗାନାରୁ ଲୋକ ସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ। ରେଡ୍ଡୀଙ୍କ ଏହି ବିବୃତ୍ତି ପୂର୍ବରୁ ତେଲଙ୍ଗାନା କଂଗ୍ରେସ କମିଟି ମଧ୍ୟ ସୋନିଆ ଗାନ୍ଧୀଙ୍କୁ ତେଲଙ୍ଗାନାରୁ ଲୋକ ସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ଅନୁରୋଧ କରିଛି।
