ନବରଙ୍ଗପୁର,୧୬ା୪(ବି.ପ୍ର.): ନବରଙ୍ଗପୁର ଶିକ୍ଷା ବିଭାଗ ଏବେ ଅଜବ ନୀତିରେ ପରିଚାଳନା ହେଉଛି । କିଏ କେଉଁ ଭଳି କାର୍ଯ୍ୟ କରୁଛି ତାହା ଚିଠିକୁ ଦେଖିଲେ ସମସ୍ତେ ଠିକ ବୁଝିଯିବେ । ଯଦି କୌଣସି ସରକାରୀ ସ୍ତରରେ ଚିଠି ହେଉଛି ତା ହେଲେ ଅନ୍ତତଃ ପକ୍ଷେ ୩ଟି ସ୍ତରରେ ଦେଖା ଯାଏ । କିରାଣୀ ଠାରୁ ଆରମ୍ଭ କରି ବ୍ଲକ ଓ ଜିଲା ଶିକ୍ଷା ଅଧିକାରୀ ମଧ୍ୟ ଜାଣି ପାରିଲେ ନାହିଁ । ଭୁଲ ପରେ ଭୁଲ କଲେ ଏହାକୁ ଜଗିବ କିଏ ବୋଲି ଜନସାଧାରଣ ପ୍ରଶ୍ନ କରୁଛନ୍ତି।
ଜିଲା ଶିକ୍ଷା ଅଧିକାରୀଙ୍କ ଅନୁମୋଦନ କ୍ରମେ ନବରଙ୍ଗପୁର ଜିଲା ନନ୍ଦାହାଣ୍ଡି ବ୍ଲକ ଶିକ୍ଷା ଅଧିକାରୀ ୧୨ ତାରିଖ ଦିନ ୯୪୨ ଓ ୯୪୩ ରେ ମୋତିଲାଲ ନାୟକ ବରିଷ୍ଠ ଶିକ୍ଷକ ବେଲଗାଁ ସରକାରୀ ୟୁପି ସ୍କୁଲରୁ ମୂର୍ଲା ବାଇ ସରକାରୀ ପ୍ରାଥମିକ ବିଦ୍ୟାଳୟକୁ ବଦଳି କରିଛନ୍ତି । ସେହିଭଳି ମୂର୍ଲା ବାଇ ପ୍ରାଥମିକ ବିଦ୍ୟାଳୟର ଲେବେଲ ୪ ପ୍ରଧାନ ଶିକ୍ଷକ ସୁଶୀଲ କୁମାର ମିଶ୍ରଙ୍କୁ ଡେଙ୍ଗାତୋଟାଗୁଡାକୁ ଡେପୁଟେସନ କରାଯାଇଛି । ପ୍ରଧାନ ଶିକ୍ଷକ ଉମାକାନ୍ତ ମଣ୍ଡଳ ଚଳିତ ମାସ ୩୦ ଅବସର ନେବେ । ଏହା ପୂର୍ବରୁ ସୁଶୀଲ କୁମାରଙ୍କୁ ଏବେଠାରୁ ଅବସ୍ଥାପିତ କରିଦିଆଗଲାଣି ।
ତେବେ ନନ୍ଦାହାଣ୍ଡି ବ୍ଲକ ଶିକ୍ଷାଆଧିକାରୀ ଏହି ବଦଳି ଓ ଡେପୁଟେଶନ କରିଥିବା ବେଳେ । ଆଦେଶ ଚିଠି ଉପରେ ନବରଙ୍ଗପୁର ବ୍ଲକ ଶିକ୍ଷା ଅଧିକାରୀ ଲେଟର ପ୍ୟା ବ୍ୟବହାର କରିଛନ୍ତି । ଚିଠି ନମ୍ବର ୯୪୫ ଅନୁଯାଇ ଜିଲା ଶିକ୍ଷା ଅଧିକାରୀଙ୍କୁ କାର୍ଯ୍ୟାନୁଷ୍ଠାନ ପାଇଁ ଜଣାଇଛନ୍ତି । ଏଠି ପ୍ରଶ୍ନ ଉଠୁଛି ଶିକ୍ଷକ ବଦଳ ଓ ଡେପୁଟେଶନ ପାଇଁ ଜିଲାପାଳଙ୍କ ସରକାରୀ ଅନୁମୋଦନ ଆବଶ୍ୟକ। ଏଠାରେ ତାହାର ବ୍ୟତିକ୍ରମ ଘଟିଛି । ଜିଲା ସ୍ତରରେ ଏମପି, ବିଧାୟକ, ଜିଲାପରିଷଦ ପକ୍ଷରୁ ଅନେକ ଶିକ୍ଷକଙ୍କ ବଦଳି ସୁପାରିଶ ଓ ଜିଲାପାଳଙ୍କ ନିକଟରେ ଅଭିଯୋଗ ଶୁଣାଣି ପରେ କିଛି ଶିକ୍ଷକଙ୍କ ବଦଳି ଓ ଡେପୁଟେଶନ ଜିଲା ଶିକ୍ଷା ଅଧିକାରୀଙ୍କ ନିକଟରେ ଶାତାଧିକ ଫାଇଲ ପଡି ରହିଛି। ସୁପାରିଶ ହୋଇ ପଡିରହିଥିବା ଶିକ୍ଷକଙ୍କ ବଦଳି କିମ୍ବା ଡେପୁଟେଶନ ହୋଇ ପାରୁନାହିଁ । ଏଭଳି ସ୍ଥଳେ ଭିତିରିଆ ଭାବେ ବ୍ଲକ ଓ ଜିଲା ଶିକ୍ଷା ଅଧିକାରୀ ଗୋଟିଏ ଗୋଟିଏ କରି ଶିକ୍ଷକଙ୍କ ବଦଳି ଓ ଡେପୁଟେଶନ କରୁଛନ୍ତି । ଏହାପଛରେ ବ୍ଲକ ଓ ଜିଲାଶିକ୍ଷା ଅଧିକାରୀଙ୍କ ବଦଳି ଉପରେ କିଭଳି ଉଦ୍ଦେଶ୍ୟ ରହିଛି ତାହା ସାଧାରଣରେ ଅନୁମେୟ । ନବରଙ୍ଗପୁର ବ୍ଲକ ଶିକ୍ଷା ଅଧିକାରୀଙ୍କ ଲେଟର ପ୍ୟା ବ୍ୟବାହାର ହୋଇଥିବା ନେଇ ପଚାରିବାରୁ ବିଇଓ ରମେଶ ରାୟ ମୁ ଏବିଷୟରେ କିଛି ଜାଣି ନାହିଁ ବୋଲି କହିଛନ୍ତି । ନନ୍ଦାହାଣ୍ଡି ବ୍ଲକ ଶିକ୍ଷା ଅଧିକାରୀ ସୌମେନ୍ଦ୍ର ଭୌମିକଙ୍କୁ ପଚାରିବାରୁ ଜିଲା ଶିକ୍ଷା ଅଧିକାରୀଙ୍କ ଅନୁମୋଦନ ପରେ ବଦଳି ଓ ଡେପୁଟେଶନ କରାଯାଇଛି ବୋଲି କହିଛନ୍ତି। ନବରଙ୍ଗପୁର ବ୍ଲକ ଶିକ୍ଷା ଅଧିକାରୀଙ୍କ ଲେଟର ପ୍ୟା ନନ୍ଦାହାଣ୍ଡି ବିଇଓ ବ୍ୟବହାର କରି ବଦଳି ଓ ଡେପୁଟେଶନ କରି ପାରିବେକି ବୋଲି ପ୍ରଶ୍ନ କରିବାରୁ ଏହାର ଉତ୍ତର ଦେଲେ ନାହିଁ । ଜିଲା ଶିକ୍ଷା ଅଧିକାରୀ ପ୍ରଦୀପ କୁମାର ନାଗଙ୍କ ସହ ଯୋଗାଯୋଗ ହୋଇ ପାରିଲା ନାହିଁ ।