ସମଗ୍ର ଦେଶରେ ମୌସୁମୀ ଏବଂ ପୂର୍ବ ମୌସୁମୀ ବର୍ଷା ପ୍ରତିଦିନ ହୋଇଥାଏ। ପାଣିପାଗ ବିଭାଗ ଦ୍ୱାରା ପ୍ରତିଦିନ ବର୍ଷା ସତର୍କ ସୂଚନା ଜାରି କରାଯାଉଛି। ବର୍ତ୍ତମାନ ଦେଶର ଅଧିକାଂଶ ଭାଗରେ ଦକ୍ଷିଣ-ପଶ୍ଚିମ ମୌସୁମୀ ସକ୍ରିୟ ହୋଇଛି। କିନ୍ତୁ ଏହାର ଗତି ଉତ୍ତର ଅଞ୍ଚଳରେ ପହଞ୍ଚିବାରେ ମନ୍ଥର ହୋଇଯାଇଛି। ତେବେ ଉତ୍ତରପ୍ରଦେଶରେ ମଧ୍ୟ ମୌସୁମୀ ପୂର୍ବରୁ ବର୍ଷା ହେଉଛି। ନେପାଳ ଏବଂ ବିହାରରେ ପ୍ରବଳ ବର୍ଷା ହେତୁ ଅନେକ ସ୍ଥାନରେ ବନ୍ୟା ପରିସ୍ଥିତି ଦେଖାଦେଇଥିବାବେଳେ ଝାଡ଼ଖଣ୍ଡ, ବଙ୍ଗଳା ଏବଂ ପୂର୍ବ ଭାରତରେ ପ୍ରବଳ ବର୍ଷା ହେବାର ସମ୍ଭାବନା ରହିଛି।
ମୁମ୍ବାଇ ସମେତ ଦେଶରେ ଏପରି ଅନେକ ଅଞ୍ଚଳ ଅଛି, ଯେଉଁଠାରେ ଲଗାତର ପ୍ରବଳ ବର୍ଷା ହେବାରୁ ଏହା ଜୀବନ ଉପରେ ପ୍ରଭାବ ପକାଇଥାଏ। କିନ୍ତୁ ଦୁନିଆରେ ଏପରି କିଛି ସ୍ଥାନ ଅଛି ଯେଉଁଠାରେ ବର୍ଷସାରା ଅଧିକ ବର୍ଷା ହୁଏ। ଏପରିକି ଗ୍ରୀଷ୍ମ ଋତୁରେ ମଧ୍ୟ ପ୍ରବଳ ବର୍ଷା ହୋଇଥାଏ। ଜାଣନ୍ତୁ ଏସବୁ ସ୍ଥାନ ବିଷୟରେ…
ମେଘାଳୟ: ।
ଭାରତର ମେଘାଳୟରେ ଅବସ୍ଥିତ ମାସିନରାମ ହେଉଛି ଏକ ଗାଁ ଯେଉଁଠି ବିଶ୍ୱରେ ସର୍ବାଧିକ ବର୍ଷା ହୋଇଥାଏ। ମାସିସରାମ ହେଉଛି ଏକ ପାହାଡ଼ିଆ ଅଞ୍ଚଳ। ଯେଉଁଠାରେ ହିମାଳୟ ଶିଖର ବଙ୍ଗୋପସାଗରରୁ ଆସୁଥିବା ମେଘକୁ ଅବରୋଧ କରିଥାଏ ଏବଂ ବର୍ଷା ହୋଇଥାଏ। ଏଠାରେ ହାରାହାରି ବାର୍ଷିକ ବୃଷ୍ଟିପାତ ୧୧,୮୭୧ ମିମି ବର୍ଷା ହୋଇଥାଏ।
ସେହିପରି ଚେରାପୁଞ୍ଜିରେ ମଧ୍ୟ ପ୍ରବଳ ବର୍ଷା ହୋଇଥାଏ। ଚେରାପୁଞ୍ଜି ଠାରୁ ପ୍ରାୟ ୧୫ କିଲୋମିଟର ଦୂରରେ ଅବସ୍ଥିତ। ଚେରାପୁଞ୍ଜି ବିଶ୍ୱରର ଦ୍ୱିତୀୟ ଆର୍ଦ୍ର ସ୍ଥାନ ଅଟେ ଏବଂ ବାର୍ଷିକ ପ୍ରାୟ ୧୧,୭୭୭ ମିଲିମିଟର ବର୍ଷା ହୁଏ। ଏପରିକି ଗ୍ରୀଷ୍ମ ଋତୁରେ ଏଠାରେ ତାପମାତ୍ରା ୨୩ ଡିଗ୍ରୀ ପର୍ଯ୍ୟନ୍ତ ଥାଏ। ମୌସୁମୀର ଆଗମନ ସହିତ ପ୍ରବଳ ବର୍ଷା ହେତୁ ପାଗ ଥଣ୍ଡା ରହିଥାଏ।