ଜୈବ ବିବିଧତାର ମହତ୍ତ୍ୱ ବିଷୟରେ ସଚେତନତା ସୃଷ୍ଟି କରିବା ସହିତ ଜୈବ ବିବିଧତା କ୍ଷୟ ସମେତ ବିଶ୍ୱ ସ୍ତରୀୟ ପ୍ରସଙ୍ଗ ଉପରେ ଧ୍ୟାନ ଦେବା ପାଇଁ ୨୨ ମେ ରେ ଅନ୍ତର୍ଜାତୀୟ ଜୈବ ବିବିଧତା ଦିବସ ପାଳନ କରାଯାଇଥାଏ। ପ୍ରକୃତି ଏବଂ ମାନବ ଜୀବନ ମଧ୍ୟରେ ଏକ ସ୍ଥାୟୀ ସମ୍ପର୍କ ଅଛି। ଆମର ଖାଦ୍ୟ ଏବଂ ସ୍ବାସ୍ଥ୍ୟ ପାଇଁ ଆମେ ସୁସ୍ଥ, ବିବିଧ ପ୍ରାକୃତିକ ପ୍ରଣାଳୀ ଉପରେ ନିର୍ଭର କରୁ।
ପ୍ରକୃତି ସବୁକିଛି ଦେଇଛି, ଆମେ ପ୍ରକୃତରେ ପ୍ରକୃତିରୁ ଲାଭବାନ। ତେଣୁ ନିଜକୁ ରକ୍ଷା କରିବା ପାଇଁ ପ୍ରକୃତି ସଂରକ୍ଷଣ କରିବା ଆବଶ୍ୟକ। ଏହା ଏକ ଜରୁରୀ ଆବଶ୍ୟକତା। ଜୈବ ବିବିଧତା ଦୁଇଟି ଶବ୍ଦ ” ଜୈବିକ” ଏବଂ “ବିବିଧତା” ରୁ ଉତ୍ପନ୍ନ। ଏହା ପୃଥିବୀର ସମସ୍ତ ପ୍ରକାର ଜୀବନକୁ ବୁଝାଏ ଯେପରିକି ଉଦ୍ଭିଦ, ପ୍ରାଣୀ, କବକ ଏବଂ ମାଇକ୍ରୋ ଅଣୁଜୀବ। ଏହା ସହିତ, ଏହା ସେମାନେ ରହୁଥିବା ବାସସ୍ଥାନକୁ ମଧ୍ୟ ସୂଚିତ କରେ। ଏଥିରେ କୌଣସି ସନ୍ଦେହ ନାହିଁ ଯେ ଜୈବ ବିବିଧତା ବହୁ ସଂଖ୍ୟକ ଦ୍ରବ୍ୟ ଏବଂ ସେବା ଯୋଗାଇଥାଏ ଯାହା ଆମ ଜୀବନକୁ ବଞ୍ଚାଇଥାଏ।
ବ୍ରାଜିଲର ରିଓ ଡି ଜେନେରିଓରେ “ପୃଥିବୀ ସମ୍ମିଳନୀ” ଭାବରେ ଜଣାଶୁଣା ମିଳିତ ଜାତିସଂଘର ପରିବେଶ ଏବଂ ବିକାଶ ସମ୍ମିଳନୀରେ ନେତାମାନେ ନିରନ୍ତର ବିକାଶ ପାଇଁ ରଣନୀତି ଉପରେ ସହମତ ହୋଇଥିଲେ। ନିରନ୍ତର ବିକାଶ ହେଉଛି ବିଶ୍ୱର ଲୋକଙ୍କ ଆବଶ୍ୟକତା ପୂରଣ କରିବାର ଏକ ମାଧ୍ୟମ ଏବଂ ଏହା ଭବିଷ୍ୟତ ପିଢ଼ି ପାଇଁ ପୃଥିବୀକୁ ସୁସ୍ଥ ଏବଂ ଜୀବିତ ରଖିବ। ପୃଥିବୀ ସମ୍ମିଳନୀରେ ସର୍ବୋଚ୍ଚ ଚୁକ୍ତିନାମା ମଧ୍ୟରୁ ଗୋଟିଏ ହେଲା ଜୈବ ବିବିଧତା ସମ୍ମିଳନୀ। ଏହି ସମ୍ମିଳନୀ ୨୯ ଡିସେମ୍ବର ୧୯୯୩ ରେ କାର୍ଯ୍ୟକାରୀ ହୋଇଥିଲା ଏବଂ ଏହାକୁ ଅନ୍ତର୍ଜାତୀୟ ଜୈବ ବିବିଧତା ଦିବସ ଭାବରେ ପାଳନ କରିବାକୁ ନିଷ୍ପତ୍ତି ଗ୍ରହଣ କରାଯାଇଥିଲା। ୨୦୦୧ ପରଠାରୁ, ଏହାକୁ ୨୨ ମେର ପାଳନ କରାଯାଉଛି।
ପ୍ରତିବର୍ଷ ଆନ୍ତର୍ଜାତୀୟ ଜୈବ ବିବିଧତା ଦିବସ ଏକ ନିର୍ଦ୍ଦିଷ୍ଟ ଥିମ ଉପରେ ଧ୍ୟାନ ଦେଇଥାଏ ଏବଂ ସେହି ଅନୁଯାୟୀ ପାଳନ କରାଯାଏ। ଚଳିତ ୨୦୨୩ ବର୍ଷର ଥିମ୍ ହେଉଛି ଚୁକ୍ତିନାମା ଠାରୁ କାର୍ଯ୍ୟ ପର୍ଯ୍ୟନ୍ତ: ଜୈବ ବିବିଧତା ନିର୍ମାଣ କରନ୍ତୁ,( ଫ୍ରମ ଏଗ୍ରିମେଣ୍ଟ ଟୁ ଆକ୍ସନ: ବିଲ୍ଡ ବ୍ୟାକ ବାୟୋଡାଇଭରସିର୍ଟି)।