ଢେଙ୍କାନାଳ ଅଫିସ,୧୬।୩ – ଢେଙ୍କାନାଳ ବ୍ରଜନାଥ ବଡ଼ଜେନା ସରକାରୀ ଉଚ୍ଚ ବିଦ୍ୟାଳୟ ସ୍ମାର୍ଟ ଶ୍ରେଣୀଗୃହରେ ମଙ୍ଗଳବାର ନୂତନ ଇଣ୍ଟରାକ୍ଟିଭ୍ ପ୍ୟାନେଲ ସାହାଯ୍ୟରେ ନବଗଠିତ ଶକ୍ତି କ୍ଲବ ପକ୍ଷରୁ ବିଭିନ୍ନ ପ୍ରକାର ଶକ୍ତି ସଂରକ୍ଷଣ ସମ୍ପର୍କରେ ପ୍ରଥମ ସେମିନାର-୨୦୨୨ ଅନୁଷ୍ଠିତ ହୋଇଯାଇଛି। ଏଥିରେ ମୁଖ୍ୟ ଅତିଥି ଭାବେ ଜିଲା ବିଜ୍ଞାନ କେନ୍ଦ୍ରର ଅଧିକାରୀ ଶଙ୍କର ଗୁରୁଙ୍ଗ୍ ଯୋଗଦେଇ କହିଲେ ଯେ, ଶକ୍ତିର ସୃଷ୍ଟି ନାହିଁ କି ତା’ର ବିନାଶ ନାହିଁ। ଏହା କେବଳ ଗୋଟିଏ ରୂପରୁ ଅନ୍ୟ ରୂପକୁ ରୂପାନ୍ତରିତ ହୋଇଥାଏ। ତେଣୁ ପ୍ରତ୍ୟେକ କ୍ଷେତ୍ରରେ ଶକ୍ତି ସଂରକ୍ଷଣ ପାଇଁ ସମସ୍ତେ ଆଗେଇ ଆସିବାକୁ ସେ ଆହ୍ବାନ ଦେଇଥିଲେ। ସମ୍ମାନିତ ଅତିଥି ଭାବେ ଯୁବ ପରିବେଶବିତ୍ ଶୁଭ୍ରାଂଶୁ ଶତପଥୀ ଯୋଗଦେଇ ପ୍ରକୃତିର ସୁରକ୍ଷା ମାଧ୍ୟମରେ ଶକ୍ତିର ସୁରକ୍ଷା ହିଁ ଜୀବନ ରକ୍ଷାର ପ୍ରଥମ ସୋପାନ ବୋଲି ମତବ୍ୟକ୍ତ କରିଥିଲେ। କ୍ଲବ ଉପଦେଷ୍ଟା ତଥା ପ୍ରଧାନ ଶିକ୍ଷୟିତ୍ରୀ ବ୍ରହ୍ମୋତ୍ରୀ ବିଶ୍ୱାଳଙ୍କ ଆବାହକତ୍ୱରେ ଓ ସହକାରୀ ଶିକ୍ଷକ ଡ. ଦେବୀ ପ୍ରସାଦ ମିଶ୍ରଙ୍କ ପୌରୋହିତ୍ୟରେ ଏବଂ ଶିକ୍ଷୟିତ୍ରୀ କ୍ଷୀରାବ୍ଧି ତନୟା ମହାପାତ୍ରଙ୍କ ତତ୍ତ୍ୱାବଧାନରେ ଏହି ସେମିନାର ଅନୁଷ୍ଠିତ ହୋଇଥିଲା। ଛାତ୍ରୀ ପ୍ରିନସେସ୍ ପ୍ରତୀକ୍ଷା ଶିକ୍ଷକ ଡ. ଦେବୀପ୍ରସାଦ ମିଶ୍ରଙ୍କ ମାର୍ଗଦର୍ଶନରେ ପାୱାର ସେଭିଂ ବ୍ୟବହାରିକ ଉପକରଣ, ପାୟଲ ସାହୁ ଶିକ୍ଷୟିତ୍ରୀ ସୁନିତାବାଳା ସାହୁଙ୍କୁ ମାର୍ଗଦର୍ଶନରେ ପବନ ଶକ୍ତି, ଶୁଭଶ୍ମିତା ସାହୁ ଶିକ୍ଷୟିତ୍ରୀ ସୁଜାତା ପଣ୍ଡାଙ୍କ ମାର୍ଗଦର୍ଶନରେ ସୌରଶକ୍ତି ଓ ସ୍ମିତାଶ୍ରୀ ଦେହୁରୀ ଶିକ୍ଷୟିତ୍ରୀ ସ୍ବାଗତିକା ରଥଙ୍କ ମାର୍ଗଦର୍ଶନରେ ଭୂତାତୀୟ ଶକ୍ତି ଏବଂ ସ୍ବୟଂ ଅଂଶୁ ଶୁଭଦର୍ଶିନୀ ଧଳ ମେଣ୍ଟର ଶିକ୍ଷୟିତ୍ରୀ କିରଣମୟୀ ମହାଳିକଙ୍କ ମାର୍ଗଦର୍ଶନରେ ଜଳଶକ୍ତି ବିଷୟବସ୍ତୁ ସମ୍ପର୍କିତ ପ୍ରକଳ୍ପ ଉପସ୍ଥାପନ କରିଥିଲେ।