ଆବୁଧାବି, ୧୯ା୧୦ (ପି.ଟି.): କୋଲକାତା ନାଇଟ୍ ରାଇଡର୍ସ (କେକେଆର୍)ର ଓ୍ବେଷ୍ଟଇଣ୍ଡିଆନ ସ୍ପିନର ସୁନୀଲ ନାରିନଙ୍କ ବୋଲିଂ ଆକ୍ସନରେ ତ୍ରୁଟି ନାହିଁ ବୋଲି ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍) ସସ୍ପେକ୍ଟ ବୋଲିଂ ଆକ୍ସନ କମିଟି କହିଛି। ଗତ ଶନିବାର କିଙ୍ଗ୍ସ ଇଲେଭେନ ପଞ୍ଜାବ ବିପକ୍ଷ ତାଙ୍କ ଟିମ୍ର ମ୍ୟାଚ ବେଳେ ନାରିନ୍ଙ୍କ ବୋଲିଂ ଆକ୍ସନ ନିୟମ ବହିର୍ଭୂତ ଥିଲା ବୋଲି ଅଭିଯୋଗ ହୋଇଥିଲା। ଏ ସମ୍ପର୍କରେ ସସ୍ପେକ୍ଟ ବୋଲିଂ ଆକ୍ସନ କମିଟି ନିକଟରେ ରିପୋର୍ଟ ହୋଇଥିଲା। ନାରିନ ପୁନର୍ବାର ତ୍ରୁଟି କରିଥିଲେ ତାଙ୍କୁ ଲିଗ୍ରେ ବୋଲିଂରୁ ବଞ୍ଚତ୍ତ କରାଯାଇଥାନ୍ତା। କିନ୍ତୁ ଓ୍ବେଷ୍ଟଇଣ୍ଡିଆନ ବୋଲରଙ୍କ ବୋଲିଂ ଆକ୍ସନରେ କୌଣସି ତ୍ରୁଟି ନାହିଁ ବୋଲି ଆଇପିଏଲ୍ କମିଟି ହୃଦୟଙ୍ଗମ କରିଥିଲା। ରିପୋର୍ଟ ପରେ ନାରିନ୍ଙ୍କ ନାମ ଆଇପିଏଲ୍ ଓ୍ବାର୍ନିଂ ଲିଷ୍ଟରେ ସ୍ଥାନ ପାଇଥିଲା। ନାରିନ୍ଙ୍କ ଆକ୍ସନର ଏକ ଅଫିସିଆଲ ଆସେସମେଣ୍ଟ କରିବା ଲାଗି ସମ୍ପୃକ୍ତ କମିଟିକୁ କେକେଆର ଅନୁରୋଧ କରିଥିଲା। ପଛ ପଟ ଏବଂ ପାର୍ଶ୍ୱରୁ ସ୍ଲୋ ମୋଶନ ଫୁଟେଜ୍ ମଧ୍ୟ ଉପସ୍ଥାପନ କରାଯାଇଥିଲା। କମିଟି ସତର୍କତାର ସହ ଏହି ଫୁଟେଜର ବିଶ୍ଳେଷଣ କରିଥିଲା। ଓ୍ବେଷ୍ଟଇଣ୍ଡିଆନ ବୋଲର ବୋଲିଂ ଆକ୍ସନ ନିୟମ ଭିତରେ ରହିଛି ବୋଲି କମିଟି ସିଦ୍ଧାନ୍ତରେ ପହଞ୍ଚତ୍ଥିଲା। ନାରିନ ଓ କେକେଆର ବର୍ତ୍ତମାନ ଆଶ୍ୱସ୍ତ ହୋଇଛନ୍ତି।