ଗଞ୍ଜାମ, ୯।୧୧(ଡି.ଏନ୍.ଏ.): ଗଞ୍ଜାମ ସହରର ବ୍ୟବସାୟୀମାନେ ଭେଣ୍ଡିଂଜୋନ ପାଇଁ ବାରମ୍ବାର ଦାବି କରିଆସୁଛନ୍ତି l ମାତ୍ର କୌଣସି ସୁଫଳ ମିଳୁନାହିଁ। ଫଳରେ ସହରର ବିଭିନ୍ନ ବ୍ୟବସାୟୀ ଓ ଉଠା ପନିପରିବା ଦୋକାନୀମାନେ ରାସ୍ତା କଡ଼ରେ ବିକ୍ରି କରିବାକୁ ବାଧ୍ୟ ହେଉଛନ୍ତି l ଲୋକମାନେ ରୋଡ ଉପରେ ନିଜ ନିଜ ଗାଡିରଖି ବିଭିନ୍ନ ଜିନିଷ କିଣୁଛନ୍ତି l ତେଣୁ କେତେବେଳେ ଦୁର୍ଘଟଣା ଘଟିବ ତାହା କିଛି କହି ହେବନାହିଁ।
ପ୍ରକାଶଯୋଗ୍ୟ, ଭେଣ୍ଡିଂ ଜୋନ୍ ନିମନ୍ତେ ରାସ୍ତା ସମ୍ପ୍ରସାରଣ ବେଳେ ବଣିକ ସଂଘ ପକ୍ଷରୁ ଏନ୍ଏସି କାର୍ଯ୍ୟାଳୟରେ ବିକ୍ଷୋଭ ପ୍ରଦର୍ଶନ କରାଯାଇଥିଲା। ଏ ନେଇ ଏନ୍ଏସି ପ୍ରଶାସନ ଦୁଇ ମାସ ସମୟ ମାଗିଥିଲେ। ଏବେ ସେହି ସମୟ ଅତିକ୍ରମ କରିସାରିଥିବାରୁ ବ୍ୟବସାୟୀ ମହଲରେ ତୀବ୍ର ଅସନ୍ତୋଷ ପ୍ରକାଶ ପାଇଛି। ତେଣୁ ପ୍ରଶାସନ ପକ୍ଷରୁ ପଦକ୍ଷେପ ନେବା ପାଇଁ ସହର ବ୍ୟବସାୟୀମାନେ ଦାବି କରିଛନ୍ତି l