ଭବାନୀପାଟଣା,୧୩।୨(ସ୍ବ.ପ୍ର.):ଉପାନ୍ତ ଇଲାକାର ବିକାଶ ପାଇଁ ସରକାର କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି। ଏଥିଲାଗି ବିଭିନ୍ନ ଯୋଜନା କରାଯାଇଥିବା ବେଳେ ଆଜି ବି ଉପାନ୍ତ ଇଲାକାରରେ ସରକାରୀ ଯୋଜନା ଶିକ୍ଷା, ସ୍ବାସ୍ଥ୍ୟ ଗମନାଗମନ ଭଳି ମୌଳିକ ସୁବିଧାରୁ ବଞ୍ଚତ୍ତ ଲୋକେ। କଳାହାଣ୍ଡି ଓ ରାୟଗଡ ଜିଲା ସୀମାନ୍ତ ପାହାଡ଼ ଶିଖରରେ ରହିଛି ଏମିତି କିଛି ଗାଁ। ଯେଉଁଠି ଆଜି ବି ପହଞ୍ଚତ୍ ପାରିନାହିଁ ସରକାରଙ୍କ ବିକାଶ। ଯେଉଁଥି ପାଇଁ ଅଭିଶପ୍ତ ଜୀବନ ଜିଇଁବାକୁ ବାଧ୍ୟ ହେଉଛନ୍ତି ଏଠିକାର ଅଧିବାସୀ।
କଳାହାଣ୍ଡି ଓ ରାୟଗଡା ଜିଲା ସୀମାନ୍ତ ଅଧୁଷିତ ଥୁଆମୂଳ ରାମପୁର ବ୍ଲକ ଉପାନ୍ତ ଇଲାକା ବିଲାମାଲ ଗାଁ। ଗାଁରେ ବାସ କରନ୍ତି ୨୫୦ ପରିବାର। ହେଲେ ଆଜିବି ମୌଳିକ ସୁବିଧାରୁ ବଞ୍ଚତ୍ତ ଏଠାକାର ଲୋକେ। ବିଲାମାଲ ଗାଁକୁ ସଂଯୋଗ କରୁଥିବା ରାସ୍ତା ମାଓବାଦୀ ଅଧ୍ୟୁଷିତ ଦୁର୍ଗମ ସିଲେଟ ପଞ୍ଚାୟତଠାରୁ ପାହାଡିଆ ରାସ୍ତା ଦେଇ ପାଦରେ ଚାଲିକି ହେଉ ଅବା ବାଇକରେ ୫ କି.ମି. ଗଲେ ପଡିଥାଏ। ଗାଁକୁ ରାସ୍ତା ନ ଥିବା ବେଳେ ଆମ୍ବୁଲାନ୍ସ ମଧ୍ୟ ପହଞ୍ଚତ୍ପାରେ ନାହିଁ। ଫଳରେ ଗର୍ଭବତୀ ହେଉ ଅବା ସାଧାରଣ ରୋଗୀଙ୍କୁ ଖଟିଆରେ ବୋହି ୧୨ କି.ମି. ରାୟଗଡ଼ା ଜିଲା କଲ୍ୟାଣିସିଂପୁର ମେଡିକାଲକୁ ନେଲେ ଚିକିତ୍ସା ସେବା ପାଇଥାନ୍ତି ଗ୍ରାମବାସୀ। କେବଳ ଯେ ରାସ୍ତାର ସମସ୍ୟା ତାହା ନୁହେଁ ଗାଁରେ ଆଜି ପର୍ଯ୍ୟନ୍ତ ନଳକୂପଟିଏ ମଧ୍ୟ ନାହିଁ। ଫଳରେ ଦୂଷିତ ପାଣି ପିଇ ନାହିଁ ନ ଥିବା ରୋଗ ଏବଂ ଅସୁବିଧାର ସମ୍ମୁଖୀନ ହେଉଛନ୍ତି ଗ୍ରାମବାସୀ। ଗାଁଠାରୁ ୨ କି.ମି. ଦୂରରେ ପଥର କଡ଼ରୁ ପାଣି ସଂଗ୍ରହ କରିବା ପାଇଁ ମହିଳାଙ୍କ ଲମ୍ବା ଲାଇନ ଲାଗିଥାଏ। ଗାଁ ମୁଣ୍ଡରେ ଥିବା ଚାଷ ଜମି କଡ଼ରେ ଥିବା ପଥର କଡ଼ରୁ ବ ବାହାରୁଛି ଦୂଷିତ ପାଣି, ଆଉ ଏହି ପାଣି ବ୍ୟବହାର କରିଥାନ୍ତି ଗ୍ରାମବାସୀ। ବ୍ଲକ ପ୍ରଶାସନ ପକ୍ଷରୁ ସୋଲାର ପମ୍ପର ବ୍ୟବସ୍ଥା ଗତ ୩ ବର୍ଷ ତଳେ କରାଯାଇଥିଲା। ହେଲେ କିଛି ଦିନ ପରେ ଖରାପ ହେବା ପରେ ଆଉ ସଜାଡା ହୋଇନାହିଁ। କେବଳ ଯେ ରାସ୍ତା କିମ୍ବା ପାନୀୟଜଳର ସମସ୍ୟା ତାହା ନୁହେଁ ଆଜି ପର୍ଯ୍ୟନ୍ତ ଗାଁରେ ବିଦ୍ୟୁତ୍ ଦେଖାନାହିଁ। ଫଳରେ ଦୀପ ଆଲୁଆରେ ଅନ୍ଧାର ସହ ଲଢ଼େଇ କରନ୍ତି ଗ୍ରାମବାସୀ। ଗାଁ ଥୁଆମୂଳ ରାମପୁର ବ୍ଲକରେ ଆସୁଥିଲେ ମଧ୍ୟ ଗ୍ରାମବାସୀ ନିଜର ଦୈନଦିନ ଜୀବନଯାପନ ପାଇଁ ରାୟଗଡା ଜିଲା କଲ୍ୟାଣିସିଂପୁର ସହର ଉପରେ ନିର୍ଭର କରନ୍ତି। ଗାଁଠାରୁ ହାତ ପାହାନ୍ତାରେ କଲ୍ୟାଣିସିଂପୁର ସହର ଆଉ ନିଜ ବ୍ଲକକୁ ଯିବାକୁ ହେଲେ ପ୍ରାୟ ୯୦ କି.ମି. ଯିବାକୁ ପଡେ। ପଡିଏସ ସାମଗ୍ରୀ ପାଇଁ ପାହାଡିଆ ରାସ୍ତାରେ ୫ କି.ମି. ସିଲେଟ ଗାଁକୁ ଗଲେ ମିଳେ ପିଡ଼ିଏସ ସାମଗ୍ରୀ। ସରକାରଙ୍କ ବିକାଶ ମୂଳକ ସ୍ଲୋଗାନ ଗାଁକୁ ଚାଲ-ଗାଁକୁ ଗଢ ସତେ ଯେମିତି ଏଠିକାର ବାସ୍ତବ ଚିତ୍ରକୁ ଦେଖିଲେ ସ୍ଲୋଗାନ ଫିକା ଲାଗୁଛି। ଗାଁର ଗୋଟିଏ ହେଲେ ପିଲା ଆଜି ପର୍ଯ୍ୟନ୍ତ ଉଚ୍ଚ ଶିକ୍ଷା ପାଇବାରୁ ବଞ୍ଚତ୍ତ ରହିଛନ୍ତି। କଳାହାଣ୍ଡିର ଏହି ଗୋଟିଏ ଗାଁ ନୁହେଁ ଏତ ମାତ୍ର ଭାତ ହାଠିରୁ ଗୋଟିଏ ଚାଉଳ ମାତ୍ର। ଲାଞ୍ଜିଗଡ ଓ ଥୁଆମୂଳ ରାମପୁର ବ୍ଲକ ଭଳି ଦୁର୍ଗମ ଇଲାକାରେ ଏଭଳି ଅନେକ ଗାଁର ଚିତ୍ର ଦେଖିବାକୁ ମିଳେ।