ସନାତନ ଭାଜପାରୁ ପ୍ରାର୍ଥୀ ହେବା ନେଇ ଚର୍ଚ୍ଚା

କେନ୍ଦୁଝର,୨୯ା୩(ନରେଶ ଚନ୍ଦ୍ର ପଟ୍ଟନାୟକ):ପ୍ରଥମେ କଂଗ୍ରେସ, ପରେ କଂଗ୍ରେସ ଛାଡ଼ି ସ୍ବାଧୀନ ପ୍ରାର୍ଥୀ ଭାବରେ ଛିଡ଼ା ହୋଇ ଚମ୍ପୁଆ ବିଧାୟକ ହେଲେ। ଚଳିତ ନିର୍ବାଚନ ତାରିଖ ଘୋଷଣା ପୂର୍ବରୁ ବିଜେଡିରେ ମିଶିବା ନେଇ ଆଲୋଚନା ହେଉଥିବା ବେଳେ ଏବେ ଭାଜପାରେ ଯୋଗଦେବା ନେଇ ଚର୍ଚ୍ଚା ହେଉଛି। ଆଲୋଚନା ପରେ ଭାଜପା ନେତା ଓ କର୍ମୀ ଉତ୍ସାହିତ ରହିଛନ୍ତି। ଏଣେ ମିଶ୍ରଣରେ ବିଳମ୍ବ ହେଉଥିବାରୁ ଜିଲାର ପ୍ରାର୍ଥୀ ଘୋଷଣାରେ ବିଳମ୍ବ ଘଟୁଛି ବୋଲି ଆଲୋଚନା ହେଉଛି।
ଚମ୍ପୁଆର ପୂର୍ବତନ ବିଧାୟକ ସନାତନ ମହାକୁଡ ଜିଲାର ଜଣେ ଚର୍ଚ୍ଚିତ ଚେହେରା। ଜିଲାରେ ରାଜନୈତିକ କ୍ଷେତ୍ରରେ ସନାତନଙ୍କ ଦବ୍‌ଦବା ସବୁବେଳେ ରହିଛି। ଏଣୁ ସବୁ ଦଳର ନେତା ତାଙ୍କ ସହିତ ସୁ-ସମ୍ପର୍କରେ ଥିବା କୁହାଯାଉଛି। ତାଙ୍କର କୌଣସି କାର୍ଯ୍ୟକ୍ରମ ହେଲେ ସବୁ ଦଳର ନେତା ମାନେ ସାମିଲ ହୋଇଥାନ୍ତି। ଗତ ନିର୍ବାଚନରେ ବିଜେଡି ସହିତ ବୁଝାମଣା କରି ନିର୍ବାଚନରୁ ଦୂରେଇ ରହିଥିବା ସନାତନ ଚଳିତ ନିର୍ବାଚନକୁ ହାତଛଡା କରିବାକୁ ଚାହୁ ନାହାନ୍ତି। ତାଙ୍କର ୨ ସମର୍ଥିତଙ୍କୁ ଲୋକସଭା ଓ ଚମ୍ପୁଆ ବିଧାନସଭା ବିଜେଡି ପ୍ରାର୍ଥିନୀ କରିଥିବା ବେଳେ ସେମାନେ ଜିତିଥିଲେ। ତେବେ ନିର୍ବାଚନ ଜିତିବା ପରେ ସେମାନଙ୍କ ଆଭିମୁଖ୍ୟକୁ ନେଇ ସେ ଅସନ୍ତୁଷ୍ଟ ଥିଲେ। ଏଣୁ ସେ ଚଳିତ ବର୍ଷ ନିର୍ବାଚନ ଲଢ଼ିବେ ଏବଂ ପ୍ରାର୍ଥୀ ଦେବେ ବୋଲି ବହୁ ଆଗରୁ ନିଷ୍ପତ୍ତି ନେଇଥିବା ସମର୍ଥକମାନେ ପ୍ରଚାର କରିଥିଲେ। ପ୍ରଥମେ ବିଜେଡିରେ ମିଶିବା ନେଇ ଚର୍ଚ୍ଚା ହେଉଥିଲା। ବୁଝାମଣାରେ କୌଣସି ସମସ୍ୟା ଦେଖାଦେବାରୁ ପରେ ଆଲୋଚନା ଶିଥିଳ ପଡ଼ିଯାଇଥିଲା। ଏବେ ସେ ଭାଜପାରେ ଯୋଗଦେବା ଫାଇନାଲ ହୋଇଛିି। ସେ ନିଜେ ଲଢ଼ିବେ ଏବଂ ତାଙ୍କ ସମର୍ଥିତ ପ୍ରାର୍ଥୀ, ପ୍ରାର୍ଥିନୀଙ୍କୁ ଜିତାଇବାକୁ ସମର୍ଥନ କରିବେ ବୋଲି ସମର୍ଥକମାନେ କହୁଛନ୍ତି। ଭାଜପାରେ ମିଶିବା ନେଇ କେତେକ ଭାଜପା ନେତା ସ୍ବାଗତ କରୁଥିବା ବେଳେ କେତେକ ଅସନ୍ତୋଷ ବ୍ୟକ୍ତ ମଧ୍ୟ କରୁଛନ୍ତି। ତେବେ ତାଙ୍କୁ ଦଳରେ ସାମିଲ କରାଗଲେ ଦଳ ଲାଭବାନ ହେବ, ଏହି ଆଶାରେ ଭାଜପାର କେତେକ ରାଜ୍ୟସ୍ତରୀୟ ନେତା ମଧ୍ୟ ଦଳରେ ସାମିଲ କରିବାକୁ ବହୁ ଆଗରୁ ଉଦ୍ୟମ ଆରମ୍ଭ କରିଦେଇଛନ୍ତି। ଅନ୍ୟପକ୍ଷରେ ସେ ଭାଜପାରେ ଯୋଗଦେଲେ ଚମ୍ପୁଆ ସିଟ୍‌ ପାଇଁ ଦାବିଦାର ହେବେ। ଏହି ଆଶଙ୍କା କରି ଚମ୍ପୁଆର ଆଶାୟୀ ମୁରଲୀ ମନୋହର ଶର୍ମାଙ୍କ ଶିବିରରେ ଛନକା ପଶିଯାଇଛି। ବାରମ୍ବାର ହାରିବା ସତ୍ତ୍ୱେ ଚମ୍ପୁଆ ନିର୍ବାଚନମଣ୍ଡଳୀରୁ ନିର୍ବାଚନ ଲଢ଼ିବା ଆଶା ମୁରଲୀ ଛାଡ଼ିନାହାନ୍ତି। ତେବେ ତାଙ୍କ ସ୍ଥିତି ଭଲ ନ ଥିବାରୁ ଦଳର ଶୀର୍ଷ ନେତାମାନେ ବୋଧହୁଏ ସନାତନଙ୍କୁ ଦଳରେ ସାମିଲ କରି ସିଟ ହାତେଇବାକୁ ଉଦ୍ୟମ କରୁଛନ୍ତି ବୋଲି ରାଜନୈତିକ ସମୀକ୍ଷକମାନେ ମତବ୍ୟକ୍ତ କରୁଛନ୍ତି। ସନାତନ ପ୍ରାର୍ଥୀ ହେଲେ କଡ୍ଡା ଟକ୍କର ହେବ। ଖଣିଖାଦାନ ସମୃଦ୍ଧ ଧନଶାଳୀ ଚମ୍ପୁଆ ନିର୍ବାଚନମଣ୍ଡଳୀ ହାତେଇବାକୁ ସବୁ ଦଳ ଉଦ୍ୟମ କରୁଛନ୍ତି। ଏଥିରେ ଅଛପା ନାହିଁ। ଏଣୁ ଚଳିତ ନିର୍ବାଚନରେ ଚମ୍ପୁଆରୁ ସନାତନ ଓ ମୁରଲୀଙ୍କ ବ୍ୟତୀତ ବିଜେଡିରୁ କୁଶ ଆପଟ, ଜିତୁ ପଟ୍ଟନାୟକ, ବର୍ତ୍ତମାନର ବିଧାୟିକା ମୀନାକ୍ଷୀ ମହାନ୍ତ ଓ ତାଙ୍କ ସ୍ବାମୀ ଭଳି ପାଓ୍ବାରଫୁଲ ନେତାମାନେ ଆଶାୟୀ ହୋଇ ନିର୍ବାଚନ ଲଢ଼ିବାକୁ ପ୍ରସ୍ତୁତ ହେଉଥିବା ଜଣାପଡ଼ିଛି। ତେବେ ଖଣିବ୍ୟବସାୟରେ ଲିପ୍ତ ଥିବା ଏବଂ ପୂର୍ବରୁ ବହୁ ମାମଲାରେ ଫସି ଥିବା କୁଶଙ୍କୁୁ ବିଜେଡି ଦଳ ଟିକେଟ ଦେଇ ନ ଥିଲା। ଏପରିକି ଦଳ ବିରୋଧରେ ଯାଇ ସ୍ବାଧୀନ ପ୍ରାର୍ଥୀ ଭାବରେ ଲଢ଼ି ହାରିଥିବା କୁଶଙ୍କୁ ନିଲମ୍ବନ ହେବାକୁ ପଡ଼ିଥିଲା। ଏଣୁ ପୁଣି ଥରେ କୁଶ ଆଶାବାଦୀ ଥିବା ବେଳେ ତାଙ୍କୁ ଦଳ ପୁଣି କେଉଁ ଆଧାରରେ ଦେବ ଏବଂ ବିରୋଧୀଙ୍କୁ ଚୁପ କରିବ ତାହା ଦେଖିବାକୁ ସମସ୍ତେ ଚାହିଁ ରହିଛନ୍ତି। ସେହିପରି ବିଜେଡିର ପୂର୍ବତନ ବିଧାୟକ ଜିତୁ ପଟ୍ଟନାୟକ ମଧ୍ୟ ଆଶାୟୀ ରହିଥିବା ବେଳେ ଦଳ କାହାକୁ ପ୍ରାର୍ଥୀ କରିବ ତାହା ମଧ୍ୟ ଘୋଷଣା ଅପେକ୍ଷା ରହିଛି।


Enter your email to get our daily news in your inbox.

All Right Reserved By Dharitri.Com

ଉଦୟପୁର ବେଳାଭୂମିରେ ଲାଗିଲା ଏଭଳି ଯନ୍ତ୍ର, ଦେଖିଲେ…

ଭୋଗରାଇ,୫ ।୧୧ ( ପ୍ରଦୀପ ଦାସ ): ଓଡ଼ିଶା ସୀମାନ୍ତ ବାଲେଶ୍ୱର ଜିଲା ଭୋଗରାଇ ବ୍ଲକ ଉଦୟପୁର ସମୁଦ୍ରକୂଳରେ ସୋମବାର ଜାହାଜର ଦିଗ ନିର୍ଣ୍ଣୟ ଯନ୍ତ୍ର(...

ନୂତନ ଡେଲି ମାର୍କେଟର ଶିଳାନ୍ୟାସ: ଉପକୃତ ହେବେ ୫ ଶହରୁ ଅଧିକ ବ୍ୟବସାୟୀ

ଭବାନୀପାଟଣା,୪ା୧୧(ଉତ୍ତମ କୁମାର ଦାଶ)-କଳାହାଣ୍ଡି ଜିଲା ଭବାନୀପାଟଣା ପୌରପାଳିକା ପକ୍ଷରୁ ସୋମବାର ସ୍ଥାନୀୟ ୨୦ ନଂ ୱାର୍ଡରେ ନୂତନ ଡେଲି (ଦୈନିକ) ମାର୍କେଟର ଶିଳାନ୍ୟାସ କରାଯାଇଛି। ଏଥିପାଇଁ...

ଓଡ଼ିଶା ବନ ଓ ପରିବେଶ ବିଭାଗ ଅବସରପ୍ରାପ୍ତ କର୍ମଚାରୀ ସଂଘର ବୈଠକ ୩ ସ୍ବର୍ଣ୍ଣ ପଦକ ହାସଲକାରୀ ସମ୍ମାନିତ

ଭବାନୀପାଟଣା,୫।୧୧(ଉତ୍ତମ କୁମାର ଦାଶ)-କଳାହାଣ୍ଡି ଜିଲା ଭବାନୀପାଟଣାସ୍ଥିତ ଅମଲା ଭବନଠାରେ ରବିବାର ଓଡିଶା ବନ ଓ ପରିବେଶ ବିଭାଗ ଅବସରପ୍ରାପ୍ତ କର୍ମଚାରୀ ସଂଘ ବୈଠକ ଅନୁଷ୍ଠିତ ହୋଇଯାଇଛି।...

ବହୁତ ହୋଇଗଲା ଏଥର ଛାଡ଼ିବାନି: କାହିଁକି ଏମିତି କହିଲେ ପୁରୀ ଗଜପତି ମହାରାଜା

ପୁରୀ,୫।୧୧:ଆସନ୍ତା ୯ରେ ଆମେରିକାର ହ୍ୟୁଷ୍ଟନରେ ରଥଯାତ୍ରା ଆୟୋଜନ ହେଉଛି। ଏହାକୁ ନେଇ ବିବାଦ ଆରମ୍ଭ ହୋଇଯାଇଛି। ଅଦିନିଆ ରଥଯାତ୍ରାକୁ ନେଇ ଗଜପତି ମହାରାଜା ଦିବ୍ୟସିଂହ ଦେବ...

କୂଅରେ ପଡ଼ିଥିଲା ହାତୀ: ମାଈ ହାତୀକୁ ଘଉଡାଇ ଉଦ୍ଧାର କଲା ବନ ବିଭଗ

ଦେବଗଡ,୫।୧୧(ଶଶାଙ୍କ ଶେଖର ଝାଙ୍କର): କୂଅରେ ପଡ଼ିଥିବା ହାତୀ ଶାବକକୁ ସୁରକ୍ଷିତ ଉଦ୍ଧାର କରିବାରେ ସଫଳ ହେଲା ବନ ବିଭଗ। ଦେବଗଡ଼ ବନଖଣ୍ଡ କୁଣ୍ଢେଇଗୋଳା ଫରେଷ୍ଟ ସେକ୍ସନ...

ମାତିଛନ୍ତି ସାଇବର ଲୁଟେରା: ପରୀକ୍ଷାରେ ପାସ କରାଇବା ପାଇଁ ଅଭିଭାବକଙ୍କୁ ଆସୁଛି ମିଥ୍ୟା କଲ୍‌

ରାଇକିଆ,୫।୧୧(ପ୍ରଦୀପ ବେହେରା):ସାଇବର ଲୁଟେରାଙ୍କ ସକ୍ରିୟତା ଦିନକୁ ଦିନ ବୃଦ୍ଧି ପାଉଛି। ଲୋକଙ୍କଠାରୁ ବିଭିନ୍ନ ଉପାୟରେ ଅର୍ଥ ଲୁଟ ପାଇଁ ଉଦ୍ୟମ କରୁଛନ୍ତି। ସୋମବାର ରାଇକିଆ ଜୀବନ...

ଧାନ ଫସଲ ଉପରେ ରାତାରାତି ପୋତିଦେଲେ ମାଟି:ପ୍ରତିବାଦରେ ରାସ୍ତାରୋକୋ ଉତ୍ତେଜନା ଜାରି

ବରଗଡ, ୫।୧୧(ପ୍ରେମାନନ୍ଦ ଖମାରୀ): ବରଗଡ଼ ଜିଲା ଭଟଲି ବ୍ଲକ ଅନ୍ତର୍ଗତ ଖେଦାପାଲିି ଗ୍ରାମରେ ଚାଷ ହୋଇଥିବା ଧାନ ଫସଲ ଉପରେ ମାଟି ପୋତିବାକୁ ନେଇ ଉତ୍ତେଜନା...

ସ୍ବାମୀଙ୍କୁ  ଘଛରେ ବାନ୍ଧି, ଆଖି ଆଗରେ ସ୍ତ୍ରୀଙ୍କୁ କଲେ…

କୋରାପୁଟ/ନନ୍ଦପୁର,୫।୧୧(ଅମିତାଭ ବେହେରା): ସ୍ବାମୀଙ୍କୁ ନିସ୍ତୁକ ପିଟିଲେ, ଗଛରେ ବାନ୍ଧିଦେଲେ। ସ୍ତ୍ରୀଙ୍କୁ ମଧ୍ୟ ମାଡ଼ ମାରି ଲହୁଲୁହାଣ କରିଦେଲେ। ସ୍ବାମୀଙ୍କ ଆଖି ଆଗରେ ଛଟଛଟ ହୋଇ ପ୍ରାଣ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri